ބީއެމްއެލްގެ މޮބައިލް ބޭންކިންގެ އެޕް އަށް ބޮޑެތި ބަދަލުތަކެއް ގެނެސް އައު ޚިދުމަތްތަކަކާއެކު އައު އެޕް ތައާރަފްކުރާން ތައްޔާރުވެއްޖެއެވެ.
އެކަމާ ގުޅޭގޮތުން ބީއެމްއެލްއިން ބުނީ، ކުރިއަށް އޮތް މަދު ދުވަސްތަކެއްގައި ބީއެމްއެލް ގެ އައު އެޕް އާންމުންނާ ހަމަޔަށް އަންނާނެ ކަމަށެވެ. މިއީ ކަސްޓަމަރުންނަށް ފޯރުކޮށްދޭ ޚިދުމަތްތައް އިތުރަށް ފުރިހަމަކޮށް އެންމެ ޒަމާނީ ޓެކްނޮލަޖީއާއެކު ބޭންކިންގ ހިދުމަތް ފަސޭހަކަމާއެކު ފޯރުކޮށްދިނުމަށް ކުރަމުންދާ މަސައްކަތުގެ ދަށުން ކުރެވިގެންދާ މުހިންމު މަސައްކަތެއްކަން ބޭންކުން ވަނީ ފާހަގަކޮށްފައެވެ.
ބޭންކް އޮފް މޯލްޑިވްސްއިން ބުނީ، މި ބަދަލުތަކާއެކު މިހާރަށްވުރެ ފަސޭހަކަމާއެކު ބޭންކިންގ ހިދުމަތް ހޯދޭނެ ކަމަށެވެ. އަދި ކަސްޓަމަރުން ބޭނުންވާ ފަދަ މުހިންމު ބަދަލުތަކެއް އެޕް އިން ފެނިގެންދާނެކަމަށްވެސް މައުލޫމާތު ދެއެވެ.
ބެންކުގެ އެންމެ ބޮޑު އަމާޒަކީ ޚިދުމަތްތައް ޑިޖިޓަލްކޮށް، ލުއިފަސޭހަ ކަމާއެކު ޚިދުމަތް ދިނުމަށާއި ކަސްޓަމަރުން ކޮންމެތާކު ހުރެގެންވެސް ބޭންކިންގ ހިދުމަތް ހޯދެނޭގޮތް މަގުފަހި ކޮށްދިނުންކަމަށް ބޭންކުން ވަނީ ބުނެފައެވެ.
ބީއެމްއެލް އަކީ އެންމެ ފުުރަތަމަ ރާއްޖެއަށް މޮބައިލް ބޭންކިންގ ތައާރަފް ކުރި ބޭންކެވެ. ބީއެމްއެލް އިން މޮބައިލް ބޭންކިންގ ތައާރަފްކޮށްފައިވަނީ 2015 ވަނަ އަހަރުއެވެ.
