1937 މީހުން ކޮވިޑުން ރަނގަޅުވެއްޖެ

ފާއިތުވި ސައުވީސް ގަޑިއިރު ކޮވިޑް ބަލިން 1937 މީހުން ފަސޭަވެފައިވާ ކަމަށް އެޗްޕީއޭގެ ތަފާސްހިސާބުތަކުން ދައްކައިފިއެެވެ.

ހެލްތް ޕްރޮޓެލްޝަން އެޖެންސީ އެޗްޕީއޭއިން އާންމުކޮށްފައިވާ ތަފާސްހިސާބުތަކުން ދައްކާގޮތުން ފާއިތުވި ސައުވީސްގަޑިއިރުގެ ތެރޭގައި ބައްޔަށް ޕޮޒިޓިވް ވެފައިވަނީ، 224 މީހުންނެވެ. އޭގެތެރޭގައި މާލެ ސަރަހައްދުން 113 މީހުން އަދި އަތޮޅުތެރެއިން 104 މީހުން ވަނީ ޕޮޒިޓިވް ވެފައެެވެ. ރިސޯޓް ތަކުން 7 މީހަކު ބައްޔަށް ޕޮޒިޓިވް ވެފައިވާކަމަށް ތަފާސްހިސާބުތަކުން ދައްކައެވެ.

ބަލިން ފަސޭހަނުވާ 9،326 މީހަކު އެބަތިބި ކަމަށާއި، އޭގެ ތެރެއިން 88 މިހަކަށް ފަރުވާ ދެމުން އަންނަނީ ހޮސްޕިޓަލުގައި ކަމަށް އެޗްޕީއޭއިން ބުނެއެވެ. ޖޫން 13 ވަނަ ދުވަހު 3،734 ސާމްޕަލް ނަގާފައިވެއެވެ.

މިހާތަނަސް ބަލީގައި 197 މީހަކު ވަނީ ނިޔާވެފައެެވެ. ޖުމްލަ ބަލި ޖެހިގެން ރިޕޯޓް ކޮށްފައިވަނީ 70،301 މީހެކެވެ. އޭގެ ތެރެއިން 60،769 މީހުން މިހާތަނަށްވަނީ ބަލިން ފަސޭހަވެފައެވެ.

ރާއްޖޭގައި ކޮވިޑް ފެތުރެމުން އަންނައިރު ކޮވިޑްގައި ނިޔާވާ މީހުންގެ އަދަދު ވެސް ވަނީ އިތުރުވާން ފަށާފައެވެ.

އޭޕްރީލް މަހުގެ 28ން ފެށިގެން ޖޫން މަހުގެ 5އާ ހަމައަށް ނިޔާވި މީހުންގެ ތެރެއިން ވެކްސިން ޖަހާފައިވަނީ 30 އިންސައްތަ މީހުންނެވެ. ނިޔާވި 111 މީހުންގެ ތެރެއިން 80 އިންސައްތަ މީހުންނަކީ ހައިރިސްކް މީހުންނަށް ވާއިރު 70 އިންސައްތަ މީހުން އެއްވެސް ޑޯޒެއް ނުޖަހާކަމަށް ތަފާސް ހިސާބުތައް ދައްކައެވެ.