ބުރާސްފަތި ދުވަހު 1663 މީހުން ބަލިން ރަނގަޅުވިއިރު، 323 މީހުން ޕޮޒިޓިވް
ބުރާސްފަތި ދުވަހު 1663 މީހަކު ބަލިން ރަނގަޅުވެފައިވޭ
ކޮވިޑް-19ގެ ކޭސްތައް ހޭންޑްލް ކުރުމުގައި އަމަލުކުރަންވީ ގޮތުގެ ޑްރިލްގެ ތެރެއިން
ކޮވިޑަށް އިތުރު 323 މީހުން ޕޮޒިޓިވްވެއްޖެއެވެ.
ބުދަ ދުވަހުގެ އިރުއޮއްސި 6:00ން ބުރާސްފަތި ދުވަހުގެ އިރުއޮއްސި 6:00 އާއި ހަމައަށް ނެގުނު 3819 ސާމްޕަލްގެ ތެރެއިން ޕޮޒިޓިވްވެފައިވަނީ 232 މީހުންނެވެ.
ޕޮޒިޓިވްވި މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވި 163 މީހުންނާއި، ރަށްރަށުން ޕޮޒިޓިވްވި 143 މީހުންގެ އިތުރުން ރިސޯޓްތަކުން ޕޮޒިޓިވްވި 9 މީހުންނެވެ. މީގެ އިތުރުން ސަފާރީތަކުން ވަނީ 8 މީހަކު ޕޮޒިޓިވްވެފައެވެ.
ބުރާސްފަތި ދުވަހުގެ އަދަދާއެކު މިހާތަނަށް 69،536 މީހަކު ވަނީ ޕޮޒިޓިވްވެފައެވެ. އަދި ބުރާސްފަތި ދުވަހު 1663 މީހަކު ބަލިން ރަނގަޅުވި އިރު، މިހާތަނަށް ރަނގަޅުވީ މީހުންގެ ޖުމްލަ އަދަދު މިވަނީ 55،055ށް އަރާފައެވެ.
އެކްޓިވް ކޭސްގެ ގޮތުގައި ހިމެނެނީ 14،281 މީހުންނެވެ. މީގެ ތެރެއިން 115 މީހަކަށް އެޑްމިޓް ކޮށްގެން ދަނީ ފަރުވާ ދެމުންނެވެ. މި ބަލީގައި މިހާތަނަށް 191 މީހަކު ވަނީ ނިޔާވެފައެވެ.
އެޗްޕީއޭއިން އާންމުކޮށްފައިވާ މައުލޫމާތުތަކަށް ބަލާ އިރު، ނިޔާވި މީހުންގެ ތެރެއިން 93 އިންސައްތަ މީހުންނަކީ ދެވަނަ ޑޯޒް ފުރިހަމަކޮށްފައި ނުވާ މީހުންނެވެ.
