އިންޑިއާގައި ގެނބެމުންދިޔަ އާއިލާއެއް ސަލާމަތްކޮށްދިނީ ދިވެހި ދެ ފުލުހެއް

އިންޑިއާގައި ގެނބެމުންދިޔަ އާއިލާއެއް ދިވެހި ދެ ފުލުހަކު ސަލާމަތްކޮށްދީފިއެވެ.

އިންޑިއާގެ ލަކްޝަދީޕް ސަރަހައްދުގައި ގެނބެމުންދިޔަ އާއިލާއެއްގެ ފުރާނަ ދިވެހި ދެ ފުލުހަކުވެގެން ސަލާމަތްކޮށްދިީފައިވާކަން މޯލްޑިވްސް ޕޮލިސް ސަރވިސްއިން ވަނީ ކަށަވަރުކޮށްދީފައެވެ. އެގޮތުން މި އާއިލާ ސަލާމަތްކޮށްދީފައިވަނީ އިންޑިއާގެ ހައިދްރއާބާދުގައި ހުންނަ ސަރްދާރް ވައްލާބާއި ޕަޓޭލް ނެޝަނަލް ޕޮލިސް އެކަޑަމީގައި އައިޕީއެސް ތަމުރީނު ފުރިހަމަކުރަމުންދާ ދެ އޮފިސަރުންނެވެ. އާއިލާ ސަލާމަތްކޮށްދީފައިވަނީ ގަލަންޓް އޮފިސަރ އަހުމަދު އަބްދުލް އަޒީޒް އަދި ޗީފް ސްޓޭޝަން އިންސްޕެކްޓަރ މުހައްމަދު ނާޒިމެވެ. މި ދެ އޮފިސަރުން ދެއްކި ކެރުމާއި، ހިތްވަރުގެ އަގު ވަޒަންކޮށް ސަރްދާރް ވައްލާބާއި ޕަޓޭލް ނެޝަނަލް ޕޮލިސް އެކަޑަމީއިން ވަނީ ޚާއްސަ ހަނދާނީ ލިޔުމެއްވެސް އަރުވާފައެވެ. މޯލްޑިވްސް ޕޮލިސް ސަރވިސްގެ ސޯޝަލް މީޑިއާ ޕޯސްޓްގައިވެސް ވަނީ މި ދެ އޮފިސަރުންގެ ކެރުމާއި، ހިތްވަރަށް ތަޢުރީފުކޮށް ޤައުމުގެ ނަން ފަޚުރުވެރިކޮށްދީފައިވާކަމަށް ބުނެފައެވެ.

އިންޑިއާގެ ލަކްޝަދީޕް ސަރަހައްދުގައި ގެނބުނީ 4 މެމްބަރުންގެ އާއިލާއެކެވެ. މީގެ ތެރޭގައި ކުޑަ ދެ ކުދިންވެސް ހިމެނެއެވެ. މި ހާދިސާގެ އިތުރު ތަފުސީލެއް ފުލުހުން ހާމަކޮށްފައެއް ނުވެއެވެ.