ހިތަދޫގައި އިމާރާތްކޮށްފައިވާ ފްލެޓުތައް ހިމެނޭ ސަރަހައްދުގައި ވާރޭފެން ތާނގީ ބަހައްޓަން ދެ ޖަމިއްޔާއަކާ ހަވާލުކޮށްފިއެވެ.
މި މަސައްކަތް ހަވާލުކޮށްފައި ވަނީ ނޫރުލް އިސްލާމް އަދި ޖަމްއިއްޔަތުލް އުލަމާއާއެވެ.
މިގޮތުން ހިތަދޫ އަވަށު އޮފީހުން ވާރޭފެން ނަގާ ކަޅު ހަން ދިނުމުން، ހިތަދޫ ފްލެޓު ސަރަހައްދުގައި އަލަށް ބިނާކުރެވުނު މަސްޖިދުލް މަންނާންގެ ފުރާޅުން ފެން ނެގުމަށް، އެ މިސްކިތުގެ ގޯތިތެރޭގައި ފެން ތާންގީ ބެހެއްޓުމުގެ މަސައްކަތް އެ ދެ ޖަމިއްޔާއިން ކުރާނެއެވެ.
އެ ދެ ޖަމިއްޔާއިން މި މަސައްކަތް ކޮށްދިނުމަށް ހަމަޖެހިފައިވަނީ ހިލޭސާބަހަށެވެ. މި އެއްބަސްވުމުގެ ދަށުން އެ ސަރަޙައްދުގައި 2،500 ލީޓަރުގެ 05 ކަޅު ހަން ބެހެއްޓުމަށް ހަމަޖެހިފައެވެ.
