ހެލްތު އެމަރޖެންސީ އޮޕަރޭޝަން ސެންޓަރ (އެޗްއީއޯސީ)ން ބުދަ ދުވަހުގެ ރޭ ކުރިޔަށް ގެންދިޔަ ނޫސްވެރިންގެ ބައްދަލުވުމުގައި ނޫސްވެރިން ތަކުރާރުކުރި އެއް ސުވާލަކީ މިމައްސަލާގައި މިނިސްޓަރ އިސްތިއުފާ ދެއްވާނަންތޯ އެވެ. އެސުވާލަށް ޖަވާބު ދެއްވަމުން މިނިސްޓަރ ވިދާޅުވީ މިޝްކާގެ މަރުގެ މައްސަލައިގައި ކަން ހިނގާދިޔަ ގޮތް މިހާރު ބައްލަވަމުން ގެންދަވާކަމަށެވެ. އަދި އެރިޕޯޓް ބުދަ ދުވަހުގެ ރޭ ލިބިވަޑައިގަންނަވާނެކަމަށެވެ.
އަޅުގަނޑު މިހާރު ކަންތައްތައް ބަލަމުންދަނީ. ބަލާފައި ރިޕޯޓްތަކަށް ބަލާފައި އޭގައި ސީދާ އަޅުގަނޑުގެ އިހުމާލެއް އުޅޭތޯވެސް އަޅުގަނޑު ބަލާނަން.އަހުމަދު ނަސީމް / ހެލްތު މިނިސްޓަރ
މީގެއިތުރުން މިނިސްޓަރުކަމުގައި ހުންނަވާ އަމިއްލަފުޅަށް އިހުމާލެއް އޮތްކަމަށް ބެލިދާނެކަމަށް ގަބޫލުކުރައްވަންތޯ ކުރެވުނު ސުވާލަށް ޖަވާބު ދެއްވަމުން މިނިސްޓަރ ވިދާޅުވީ އެކަން އަމިއްލަފުޅަށް ބެއްލެވޭނެކަމަށް ގަބޫލުކުރައްވާކަމަށެވެ.
ގަބޫލުކުރަން މިނިސްޓަރުގެ ކަމުގައި ހުރެ އެކަންތައް ބެލިދާނެކަމަށް. ވަރަށް ބޮޑަށް ގަބޫލުކުރަން. އަޅުގަނޑަކީ އެކަހަލަ ކަންތަކުގައި މަކަރެއް ހަދާނެ މީހެއްވެސް ނޫން.އަހުމަދު ނަސީމް / ހެލްތު މިނިސްޓަރ
މިޝްކާ ހޮސްޕިޓަލަށް ގެންދިޔުމުގައި ލަސްތަކެއްވެފައިވާކަމަށާއި އެކަމުގައި އިހުމާލުވެފައިވާކަމަށް ގަބޫލުކުރައްވާކަމަށް މިނިސްޓަރ ވިދާޅުވިއެވެ.
10 އަހަރުގެ މިޝްކާ ނިޔާވުމުގައި އޭނާ ގެންދިޔުން ލަސްވުމާއި މީގައި އިހުމާލު އެބައޮތް. އެކަމަށް އެޓެންޑްކުރެވުނު މީހުން ގެ އިހުމާލު އޮތްކަމަށް އަޅުގަނޑު ގަބޫލުކުރަން. އެތަހުގީގު ކުރަމުންދަނީ. މިރޭގެ ނިޔަލަށް ތަހުގީގު ނިމޭނެ. ތަހުގީގު ނިންމާފައި ފިޔަވަޅު އަޅާނަން. ފިޔަވަޅު އަޅާފައި އެކަން ހާމަކުރާނަން. އަދި ރިޕޯޓް ނިންމާފައި ހާމަކުރެވެން ހުރި ހުރިހާ ކަމެއް މެޑިކަލް ކަންތައްތައް ފިޔަވައި ހުރިހާ ކަމެއް ހާމަކުރާނަން.އަހުމަދު ނަސީމް / ހެލްތު މިނިސްޓަރ
މިނިސްޓަރ ވިދާޅުވީ އެމްބިޔުލަންސް ދިޔުމުގައި ލަސްތަކެއް ދިމާވުމުގެ ސަބަބުން އެކަމާއި ގުޅިގެން މިޝްކާ ނިޔާވުމުގެ ކުރިން މިޝްކާގެ އާއިލާއާ މިނިސްޓަރ ފޯނުއް ގުޅުއްވާ ވާހަކަދެއްކެވި ކަމަށެވެ. އަދި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުވެސް އެއާއިލާއަށް ގުޅުއްވާ ތައުޒިޔާ ވިދާޅުވެފައިވާކަމުގެ މައުލޫމާތު ލިބިވަޑައިގަންނަވާފައިވާކަމަށް މިނިސްޓަރ ވިދާޅުވިއެވެ.
ގަބޫލުކުރަން އިހިުމާލު އުޅޭކަން މިނިސްޓްރީގެ އެމްބިޔުލަންސް ލަސްވުމުގައި. އެކަމާއި ގުޅިގެން އަޅުގަނޑު އާއިލާއާ ގުޅިން. އެކަން ދިމާވި ގޮތްވެސް ކިޔައިދިިނިން. މިޝްކާ ނިޔާވުމުގެ ކުރިން ގުޅީ. މިޝްކާ ނިޔާވުމުން ރައީސްވެސް ގުޅުއްވި އާއިލާއަށް ތައުޒިޔާ ކިޔުއްވިކަމަށް ވާހަކަދެއްކެވިކަމުގެ މައުލޫމާތުލިބޭ. މިކަން އިނގުނީއްސުރެ ފިޔަވަޅު އަޅަމުންދަނީ.އަހުމަދު ނަސީމް / ހެލްތު މިނިސްޓަރ
މިނިސްޓަރ ވިދާޅުވީ ހެލްތު މިނިސްޓްރީއަކީ 8000އްހާ މުވައްޒަފުން މަސައްކަތްކުރަމުން އަންނަ މިނިސްޓްރީއެއް ކަމަށެވެ. މަސައްކަތްތައް ކުރަމުން އަންނަނީ އެކި މީހުންނަށް ޒިންމާތައް ހަވާލުވެގެން ކަމަށްވާއިރު ސީދާ މިނިސްޓަރު އިހުމާލުވެފައިވަނީ ކޮން ހިސާބަކުންތޯ ބަލަންޖެހޭ ކަމަށް ދެކެވަޑައިގަންނަވާކަމަށް މިނިސްޓަރ ވިދާޅުވިއެވެ.
އަޅުގަނޑަކަށް ނޭންގެ އަޅުގަނޑު އަދި އިސްތިއުފާ ދޭންޖެހޭކަމެއް. އެއީ އަޅުގަނޑުގެ އިހުމާލެއް މީގެ ތެރޭގައި އޮތީ ކޮން ހިސާބަކުންތޯވެސް އެނގެންޖެހޭނެ ނޫންތޯ. ހެލްތު މިނިސްޓްރީ އަކީ ގާތްގަނޑަކަށް 8000 މީހުން މަސައްކަތް ކުރާތަނެއް. ސިވިލް ސަރވިސްގެ 22 ނުވަތަ 21 ޕަސެންޓް އުޅެނީ ހެލްތު މިނިސްޠޓްރީގައި. އެހެންވީމާ މިވަރު ބޮޑު އިދާރާއއްގައި މިހާ ގިނަ މީހުން މަސައްކަތްކުރާއިރު. އަޅުގަނޑުމެންގެ އިމާރާތުގައި އެކަނިވެސް މަސައްކަތްކުރޭ 480 އެތައް މީހުންނެއް. އެހެންވީމާ އެހުރިހާ އެންމެންގެ ފަރާތުން ވާ ކަމެއްގައި ހަމައެކަނި އަޅުގަނޑުތޯ އެޒިންމާ ނަގަންޖެހެނީ. އެވެސް އަޅުގަނޑު އަމިއްލައަށް އަޅުގަނޑު ކުރަންޖެހޭ ސުވާލެއް. ދެން ކަންތައްތައް ހިންގުމަށް މީހުންނަށް ހަވާލުނުކޮށް ދޫކޮށްލާފައި އޮތްކަމަށް ވަނީނަމަ އެއީ ވަރަށް ބޮޑު އިހުމާލެއް. ކަންތައްތައް ހިނގާ ގޮތް ބަލައިގެން އެއަށް ކަމެއްދިމާވީމާ އެއަށް ގެންންޖެހޭ އިސްލާހުތައް ނުގެނައުން އެއީ އަޅުގަނޑުގެ އިހުމާލެއް. ދެން މިކަހަލަ އިހުމާލުތައް ހުންނާނެ. މިކަންތައް ބަލާނަން.އަހުމަދު ނަސީމް / ހެލްތު މިނިސްޓަރ
މިޝްކާގެ ކުއްލި މަރާ ގުޅިގެން ގިނަ ބަޔަކު އަންނަނީ މިނިސްޓަރުގެ އިސްތިއުފާއަށް ގޮވާލަމުންނެވެ.
