އިތުރު 1376 މީހުން ވެކްސިންގެ ދެވަނަ ޑޯޒް ޖަހައިފި
28 މެއި 2021 | ހުކުރު 19:26ވެކްސިނުގެ ފުރަތަމަ ޑޯޒް ޖަހާފައިވަނީ 308,905 މީހުން
ކޮވިޑް-19 ވެކްސިން ޖެހުން
އިތުރު 1376 މީހަކު ވެކްސިންގެ ދެ ޑޯޒް ފުރިހަމަކޮށްފިއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ)ން ބުނީ ބުރާސްފަތި ދުވަހު 482 މީހުން ވެކްސިނުގެ ފުރަތަމަ ޑޯޒް ޖަހާފައިވާ ކަމަށެވެ. އެއީ މާލެ ސަރަހައްދުން ވެކްސިންޖެހި 180 މީހުންނާއި އަތޮޅު ތެރެއިން ވެކްސިން ޖެހި 302 މީހުންނެވެ. މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 308,905ށް އަރާފައެވެ.
ވެކްސިންގެ ދެވަނަ ޑޯޒް ޖަހާފައިވާ 1376 މީހުންގެ ތެރެއިން މާލެ ސަރަހައްދުން ވެކްސިން ޖެހީ 306 މީހުންނެވެ. އަދި އަތޮޅު ތެރެއިން 1070 މީހުން ވެކްސިން ގެ ދެ ޑޯޒް ފުރިހަމަ ކޮށްފައިވެއެވެ. މިއާއެކު ވެކްސިންގެ ދެ ޑޯޒް ފުރިހަމަ ކުރި މީހުންގެ އަދަދު ވަނީ 163,789ށް އަރާފައެވެ.
26 މެއި ވާ ބުދަ ދުވަހުން ފެށިގެން މާލެ ސަރަހައްދުގައި އެޅި ޚާއްސަ ފިޔަވަޅު ތަކާއެކު މި ސަރަހައްދު މިވަނީ ފުރަބަންދު ކޮށްފައެވެ. އެހެންކަމުން ވެކްސިން ޖަހަން ދިއުމަށްވެސް ހުއްދަ ހޯދުމަށް އެޗްޕީއޭއިންވަނީ އެދިފައެވެ. މާލެ ސަރަހައްދުގައި މިހާރު އާއްމުކޮށް ހުޅުވާލައިގެން ޖަހަނީ ސިނޮފާރމް ވެކްސިނެވެ. މާލެ ސަރަހައްދުގައި ވެކްސިން ޖަހަނީ ހެނދުނު 9:00 ފެށިގެން 11:00ށް ނޭޝަނަލް އާރޓް ގެލަރީ، ވިލިމާލެ ޔޫތް ސެންޓަރ އަދި ޓްރީ ޓޮޕްގައެވެ.
