ބުރާސްފަތި ދުވަހު ޕޮޒިޓިވްވި މީހުންގެ އަދަދު 1،299 ގައި
27 މެއި 2021 | ބުރާސްފަތި 17:28އެކްޓިވް ކޭހުގެ އަދަދު ވަނީ 25،000ން މަތިވެފައި
ފުލުހުން ލޮކްޑައުން ތެރޭގައި ހަރަކާތްތެރި ވަނީ
ބުރާސްފަތި ދުވަހު ރާއްޖެއިން ކޮވިޑް-19ށް އިތުރު 1،299 މީހުން ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) ން ނެރުނު ތަފާސްހިސާބުތަކުން ދައްކައިފިއެވެ.
އެޗްޕީއޭއިން އެންމެ ފަހުން އާންމުކުރި ތަފާސްހިސާބުތައް ދައްކާ ގޮތުން ފާއިތުވެދިޔަ 24 ގަޑިއިރުގެ ތެރޭގައި ރާއްޖެއިން 5،167 މީހުން ކޮވިޑަށް ޓެސްޓު ކޮށްފައިވާއިރު، އޭގެ ތެރެއިން ޕޮޒިޓިވްވެފައިވަނީ 1،299 މީހުނެވެ. އެއީ މާލެ ސަރަހައްދުން ޕޮޒިޓިވްވި، 799 މީހުންނާއި، އަތޮޅުތެރެއިން ޕޮޒިޓިވްވި، 487 މީހުންގެ އިތުރުން ރިސޯޓުތަކުން ޕޮޒިޓިވްވި 13 މީހުންނެވެ.
އިތުރު 1،299 މީހުން ކޮވިޑަށް ޕޮޒިޓިވްވުމާއިއެކު ރާއްޖެއިން ބައްޔަށް ޕޮޒިޓިވްވި މީހުންގެ އަދަދު ވަނީ 60،943ށް އަރައިފައެވެ. އަދި އެކްޓިވް ކޭހުގެ އަދަދު 25،419ށް އަރާފައިވާއިރު، ހޮސްޕިޓަލުގައިި އެޑްމިޓް ކޮށްގެން 270 މީހަކަށް އަންނަނީ ފަރުވާ ދެމުންނެވެ. މި ބަލީގައި 150 މީހުން ނިޔާވެފައިވާއިރު، 35،365 މީހުން ވަނީ ބަލިން ފަސޭހަވެފައެވެ.
މި ފަހުން ރާއްޖެއިން ފެންނަ ކޮވިޑް-19 ކޭސްތަކުގެ އަދަދު އިންތިހާއަށް އިތުރުވެފައިވާއިރު، ރާއްޖެއިން ކޮންމެ ދުވަހަކު ރިޕޯޓުކުރާ އަދަދު 1000ން މަތީގައި ހުންނަތާ ވަނީ ދެ ހަފުތާއަށް ވުރެ ގިނަ ދުވަސްވެފައެވެ. ކޭހުގެ އަދަދު އިތުރުވުމުގެ އިތުރަށް މި ބަލީގައި މަރުވާ މީހުންގެ އަދަދު ވެސް ވަނީ ބޮޑުތަނުން އިތުރުވެފައެވެ. މި މަހުގެ މިހާތަނަށް އެކަނި ވެސް 70އެއްހާ މީހުން ވަނީ މި ބަލީގައި މަރުވެފައެވެ. ކޮންމެ ދުވަހަކު ވެސް މަދުވެގެން ތިން މަރު ރިޕޯޓުނުކުރާ ދުވަހެެއް ނާދެއެވެ.
އަދަދު އިތުރުވުމާ އެކު މިހާރު ބޭރުގައި އުޅެވޭނީ ހަމައެކަނި ހެނދުނު 8ން ހަވީރު 4ށެވެ. އެ ގަޑިތަކުގައި ވެސް ބޭރަށް ދެވެނީ ފުލުހުން ދޫކުރާ ވަކި ފާހަކާ އެކުގައެވެ.
