ނާއިބުރައީސް ފައިޞަލް ނަސީމް ކޮވިޑަށް ޕޮޒިޓިވް

ނާއިބު ރައީސް ފައިޞަލް ނަސީމް ކޮވިޑް-19އަށް ޕޮޒިޓިވް ވެއްޖެއެވެ.

ރައީސުލް ޖުމްހޫރިއްޔާގެ އޮފީހުގެ ތަރުޖަމާން މަބްރޫކް ޢަޒީޒް ވިދާޅުވީ ނާއިބު ރައީސް ކޮވިޑް-19އަށް ޕޮޒިޓިވްވެފައިވާ ކަމަށާއި، އެމަނިކުފާނު މިހާރު ހުންނެވީ އައިސޮލޭޝަންގައި ކަމަށެވެ. އަދި ބައްޔަށް ޕޮޒިޓިވްވީ ނަމަވެސް އެމަނިކުފާނުގެ ހާލުކޮޅު ރަނގަޅު ކަމަށް ވިދާޅުވިއެވެ.

ނާއިބު ރައީސްއަށް ކޮވީޑް-19 ޖެހިފައިވާއިރު އެމަނިކުފާނު ވަނީ ކޮވިޑް-19އާ ދެކޮޅަށް ވެކްސިން ވެސް ޖައްސަވާފައެވެ.

މީގެ ކުރިން ރައީސުލްޖުމްހޫރިއްޔާގެ އަނބިކަނބަލުން މެޑަމް ފަޒްނާއަށް ވެސް ކޮވިޑް-19 ޖެހި ރިޕޯޓުކޮށްފައިވާއިރު، ދާދި ފަހުން އެމަނިކުފާނުގެ މަންމާފުޅަށް ވެސް ކޮވިޑް-19 ޖެހިގެން ރިޕޯޓުކޮށްފައިވެއެވެ.

މުޅި ރާއްޖެއިން ވެސް ރިޕޯޓުކުރާ ކޭސްތަކުގެ އަދަދު އިންތިހާއަށް އިތުރުވެފައިވާއިރު، ކޭސްތަކުގެ އަދަދު ކޮންޓްރޯލްކުރުމަށް ހަރުކަށި ފިޔަވަޅުތަކެއް ވެސް ވަނީ އަޅާފައެވެ. އެގޮތުން ހަވީރު 4ން، އަނެއް ދުވަހުގެ ހެނދުނު 8ށް ވަނީ ކާފިއު އިއުލާންކޮށްފައެވެ. އަދި އެ ނޫން ވަގުތުތަކުގައި ވެސް ބޭރަށް ނިކުމެ އުޅެވެނީ ކޮންމެ ގޭބީސީއަކުން ދެމީހަކަށް ދޫކުރާ ވަކި ފާހެއް އޮވެގެންނެެވެ.