އިތުރު 2056 މީހުން ވެކްސިންގެ ދެ ޑޯޒް ފުރިހަމަކޮށްފި
24 މެއި 2021 | ހޯމަ 01:58ދެ ޑޯޒް ފުރިހަމަ ކުރި މީހުންގެ އަދަދު ވަނީ 156،002ށް އަރާފައި
ކުޅުދުއްފުށި ސިޓީގައި ވެކްސިން ދިނުމުގެ ކަންތައްތައް ކުރިއަށްދަނީ
ރާއްޖެއިން 2056 މީހުން ކޮވިޑް-19 ވެކްސިނޭޝަންގެ ދެ ޑޯޒް ޖަހައިފި ކަމަށް ހެލްތު ޕްރޮޓެކްޝަން އެޖެންސީން ހާމަކޮށްފިއެވެ.
އެޗްޕީއޭއިން އާންމުކޮށްފައިވާ ތަފާސްހިސާބުތައް ދައްކާގޮތުން މެއި 22 ވަނަ ދުވަހު ވެކްސިން ޖަހާފައި ވަނީ 2505 މީހުންނެވެ. އެއީ ވެކްސިންގެ ދެ ވަނަ ޑޯޒް ޖެހި 2056 މީހުންނާއި ފުރަތަމަ ޑޯޒް ޖެހު 449 މީހުންނެވެ.
މާލެ ސަރަހައްދުން 851 މީހުން ވެކްސިން ޖަހާފައިވާއިރު، އޭގެތެރޭގައި ހިމެނެނީ ވެކްސިންގެ ފުރަތަމަ ޑޯޒް ޖެހި 306 މީހުންނާއި ދެވަނަ ޑޯޒް ޖެހި 545 މީހުންނެވެ. އޭގެ އިތުރުން އަތޮޅުތެރެއިން ވެކްސިން ޖެހި 1654 މީހުންގެ ތެރޭގައި ހިމެނެނީ ފުރަތަމަ ޑޯޒް ޖެހި 143 މީހުންނާއި ދެވަނަ ޑޯޒް ޖެހި 1511 މީހުންނެވެ.
މިއާއެކު ރާއްޖެއިން ކޮވިޑްގެ ފުރަތަމަ ޑޯޒް ޖެހި މީހުންގެ ޖުމްލަ ވަނީ 305،850ށް އަރާފައެވެ. އަދި ދެ ޑޯޒް ފުރިހަމަ ކުރި މީހުންގެ އަދަދު ވަނީ 156،002ށް އަރާފައެވެ.
ވެކްސިން ފޯރުކޮށްދޭނެ ކަމަށް އިންޑިއާއިން ބުނި ނަމަވެސް ވެކްސިން ލިބޭނެ ވަކި ދުވަހެއް އަދި ނޭނގެ އެވެ. އޭގެ ސަބަބުން 20،000އެއްހާ މީހުންނަށް ވެކްސިން ނުޖެހި ތިބި އިރު، ކޮވިޝީލްޑް ގެ ފުރަތަމަ ޑޯޒު ޖެހި މީހުންނަށް އެސްޓްރަޒެނެކާ ވެކްސިން ޖެހޭނެ ކަމަށް އެޗްޕީއޭއިން ބުނެފައިވެއެވެ. އަދި އެ ވެކްސިން ގެންނަން މަސައްކަތްކުރަމުން އަންނަ ކަމަށް ވެސް ބުނެފައިވެއެވެ.
ރާއްޖޭގައި ކޮވިޝީލްޑްގެ އިތުރުން ފައިޒަރ އަދި ސިނޮފަރމް ވެކްސިނަށް ހުއްދަ ދީފައިވާއިރު ދާދި ފަހުން މޯލްޑިވްސް ފުޑް އެންޑް ޑްރަގް އޮތޯރިޓީ (އެފްޑީއޭ)ން ވަނީ ރަޝިއާގެ ސްޕަޓްނިކް ވެކްސިން ރާއްޖޭގައި ބޭނުން ކުރުމުގެ ހުއްދަ ވެސް ދީފައެވެ. އޭގެ ތެރެއިން މިވަގުތު ރާއްޖޭގައި ޖަހަމުން އަންނަނީ ފައިޒާ ސިނޮފާމް އަދި ކޮވިޝީލްޑްއެވެ.
