އަފީފީ ހައްޔަރު ކޮށްފައިވަނީ އިސްރާއީލްގެ ޔަހޫދީންނާ ދެކޮޅައް އަޑުއުފުލަން އުޅެނިކޮށް
ފަލަސްތީނުގެ ޒުވާން މިޔުޒީޝަން މަރިޔަމް އަފީފީގެ އިތުރުން ފަލަސްތީނުގައި އަނިޔާ ލިބެމުންދާ ފަރާތްތައް
އިސްރާއީލްގެ ޔަހޫދީން މެދުކެނޑުމެއްނެތި ފަލަސްތީނުގެ ރައްޔިތުންނާ ދެކޮޅަށް ހިންގަމުންދާ އުދުވާނުގައި ކުށެއް ނެތް އެތަކެއް ރައްޔިތުންތަކަކަށް ލާއިންސާނީ އަނިޔާތަކެއް ކުރަމުންދާއިރު ވެސް ފަލަސްތީނުގެ ރައްޔިތުން ގެ މޫނުމަތިން ފެންނަމުންދަނީ އުފާވެރިކަމެވެ. ފަހަތަށް ބިޑިއަޅުވައި އަނިޔާ ކުރަމުންދާ އިރުވެސް މި ފެންނަނީ މޫނުމަތިން އުޖާލާ ކަމެވެ. އެއީ ކީއްވެގެންކަން ބުނެދިނީ އުމުރުން އެންމެ 26 އަހަރުގެ މަރިޔަމް އަފީފީ އެވެ.
އަފީފީ އަކީ ފަލަސްތީނުގެ ޒުވާން މިއުޒީޝަނެކެވެ. އަފީފީ ހައްޔަރު ކޮށްފައިވަނީ އިސްރާއީލްގެ ޔަހޫދީންނާ ދެކޮޅަށް އަޑުއުފުލަން އުޅެނިކޮށެވެ.
ނަމަވެސް އިސްރާއީލްގެ ޔަހޫދީ ސިފައިން ވަނީ އަފީފީ ބިންމައްޗަށް ވައްޓާލައި އެތައް އަނިޔާއެއް ކޮށް ހައްޔަރުކޮށްފައެވެ. ނަމަވެސް އޭނަގެ މޫނުމަތިން ފެންނަމުން ދިޔައީ އުފާވެރިކަމެވެ. އަފީފީ ބުނީ އޭނާއަށް އަނިޔާކޮށް ބިޑިއެޅުވިޔަސް އެދުވަހު ހިނިތުން ވީ އެއީ އަފީފީ އެދުވަހު އަޑު އުފުލަމުން ދިޔައީ ހަގީގީ ވާހަކައެއް ކަމަށާ އަދި އިސްރާއީލްގެ ފުލުހުން އޭނާއަށް މުހާޠަބު ކުރިގޮތާ އަދި ކުރި އަނިޔާއަށް މަގުމަތީ ދަމާފައި ގެންދިޔައަސް އޭނާއަށް ހަމަ "އޯކޭ" ކަމަށާ، އިސްރާއީލު ފުލުހުން ދެކެ ބިރުވެސް ނުގަންނަކަން ދެއްކުމަށް ކަމަށް އަފީފީ ބުންޏެވެ.
އިސްރާއީލުގެ ޔަހޫދީ ފުލުހުންގެ ކުރިމަތީގައި އަފީފީ ދެއްކި ހިތްވަރަށް އެތައް ބަޔެއްގެ ތައުރީފް އޭނާއަށް ލިބެމުންދާއިރު އަފީފީ ވަނީ ކުރިއަށް އޮތްތަނުގައި ވެސް ޔަހޫދީ ފުލުހުންގެ ކުރިމަތީ އޭނާ ކުޑަ ކަކޫ ނުޖަހާނެ ކަމަށް ވަނީ ބުނެފައެވެ.
