އޮސްކާ 2021ގެ އެންމެ މޮޅު ޑައިރެކްޓަރުކަން ކްލޯއީ ޗާއޯ ހާސިލްކޮސްފިއެވެ.
މިއީ އޮސްކާގެ ތާރީޚުގައި އަންހެން ޑައިރެކްޓަރަކަށް މި އެވާރޑް ލިބުނު ދެވަނަ ފަހަރެވެ. ކްލޯއީއަށް އެންމެ މޮޅު ޑައިރެކްޓަރުކަން ލިބުނީ "ނޮމަޑްލޭންޑް" މި ފިލްމުންނެވެ. 93 ވަނަ އެވާރޑް ހަފްލާ ބާއްވާފައިވަނީ ލޮސްއެންޖެލެސްގައެވެ.
އެއްމެ މޮޅު ޑައިރެކްޝަނާއެކު "ނޮމަޑްލޭންޑް" ވަނީ އެންމެ މޮޅު ފިލްމު، އަދި އެންމެ މޮޅު ބަތަލާގެ އެވާރޑް ވެސް ހާސިލްކޮށްފައެވެ.
އެންމެ މުހިއްމު އެވާރޑްތަކަށް ބަލާއިރު، އެންމެ މޮޅު ބަތަލް އަދި އެންމެ މޮޅު އެޑަޕްޓެޑް ސްކްރީންޕްލޭ އެވާރޑް ހޯދީ "ދި ފާދަރ" އިންނެވެ. އެންމެ މޮޅު އޮރިޖިނަލް ސްކްރީންޕްލޭ އެވާރޑް ލިބުނީ، "ޕްރޮމިސިންގ ޔަންގް ވުމަން" އަށެވެ. އެންމެ މޮޅު އެނިމޭޓެޑް ފިލްމްގެ އެވާރޑް ހާސިލް ކުރީ "ސޯލް" އެވެ. އެންމެ މޮޅު ޑޮކިއުމެންޓްރީ ފިލްމްގެ އެވާރޑް ލިބުނީ، "މައި އޮކްޓޮޕަސް ޓީޗަރ" އަށެވެ. އޮރިޖިނަލް ލަވައިގެ އެވާރޑް ލިބުނީ، "ފައިޓް ފޯރ ޔޫ" މި ލަވައަށެވެ.
