ގއ. މާމެންދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް އަހުމަދު ޝުކޫރު ސަސްޕެންޑް ކުރުމަށް ޖުޑީޝަލް ސަރވިސް ކޮމިޝަން (ޖޭއެސްސީ) އިން ނިންމައިފިއެވެ.

މެޖިސްޓްރޭޓް ޝުކޫރު ފަނޑިޔާރު ކަމުގެ މަގާމުން ވަކި ކުރަން، ރައްޔިތުންގެ މަޖިލީހަށް ހުށައަޅާފައިވާ އިރު, އެ މައްސަލަ ވަނީ ހޯމަ ދުވަހުގެ މަޖިލިސް ޖަލްސާއަށް ވެސް އެޖެންޑާ ކޮށްފައެވެ. އަދި އެ މައްސަލައާ ގުޅޭގޮތުން ޖޭއެސްސީން ނެރުނު ބަޔާނެއްގައި ބުނެފައި ވަނީ، ތަހުޤީޤު ކުރަމުންދާ މައްސަލަތަކުގެ ބާވަތާއި ލިބިފައިވާ ހެކިތަކަށް ރިއާޔަތްކޮށް، ޝަރުއީ ދާއިރާގެ އިތުބާރު ނެގެހެއްޓުމަށް މެޖިސްޓްރޭޓް ޝުކޫރު ސަސްޕެންޑް ކުރުމަށް ނިންމާފައިވާ ކަމަށެވެ.

ޖޭއެސްސީން ބުނީ، މެޖިސްޓްރޭޓް ޝުކޫރު ވަގުތީ ގޮތުން 60 ދުވަހަށް މެޖިސްޓްރޭޓް ކަމުގެ މަޤާމުން ދުރު ކުރުމަށް ފެންނަ ކަމަށް އާދިއްތަ ދުވަހު ބޭއްވި ކޮމިޝަނުގެ ޖަލްސާގައި ނިންމާފައިވާ ކަމަށެވެ.

މެޖިސްޓްރޭޓް ޝުކޫރާ ގުޅިގެން ޖޭއެސްސީން ތަހުޤީޤު ކުރި މައްސަލަތައް:

އޭގެ އިތުރުން، މެޖިސްޓްރޭޓް އަހުމަދު ޝުކޫރަކީ ކުރީގެ ރައީސް އަބްދުﷲ ޔާމީންގެ ކެމްޕެއިންތަކުގައި ފަނޑިޔާރުކަމުގައި ތިއްބަވައިގެން، އިސްކޮށް އުޅުއްވި، ކުރީގެ ސުޕްރީމް ކޯޓުގެ ފަނޑިޔާރު އަބްދުﷲ ދީދީ އާއި ކުރީގެ ހައިކޯޓުގެ އިސްފަނޑިޔާރު ޝުޖާއު އުސްމާނާއި، ހައިކޯޓުގެ ކުރީގެ ފަނޑިޔާރު ހަސަން އަލީ އާއި ކްރިމިނަލް ކޯޓުގެ ކުރީގެ ފަނޑިޔާރު ހަސަން ނަޖީބުއާއެކު އުޅުއްވި ބޭފުޅެއް ކަމަށް ތުހުމަތު ކުރެވެއެވެ.