އައްޑޫ ސިޓީގައި ހިނގި ގްރޫޕް މާރާމާރީއެއްގައި މީހަކު ޒަހަމް ކޮށްލައިފިއެވެ.
މިކަމާއި ގުޅޭގޮތުން މައުލޫމާތު ދެމުން ފުލުހުން ބުނީ އައްޑޫ ސީޓީ ހިތަދޫގެ ދެ ގްރޫޕެއްގެ ދެމެދުގައި ހިނގި މާރާމާރީއެއްގައި ތޫނު އެއްޗަކުން ހަމަލާދީ މީހަކު ޒަހަމް ކޮށްލާފައިވާ މައްސަލައެއް ހުށައަޅާފައިވާ ކަމަށެވެ. މި ހާދިސާގެ ރިޕޯޓު ފުލުހުންނަށް ލިބިފައިވަނީ ހޯމަ ދުވަހުގެ މެންދަމު 12:28 ގައެވެ.
ފުލުހުން ބުނީ އަނިޔާ ލިބުނު މީހާއަށް އައްޑޫ އިކުއިޓޯރިއަލް ހޮސްޕިޓަލުގައި ފަރުވާ ދެމުންދާ ކަމަށެވެ. އަދި އަނިޔާވި މީހާއަށް ސީރިއަސް އަނިޔާތަކެއް ލިބިފައިވާ ކަމަށް ވެސް ވަނީ މައުލޫމާތު ދީފައެވެ.
