ށ. ފޯކައިދޫގައި ބިދޭސީންތަކެއް ތޫނު އެއްޗެހި ބޭނުން ކޮށްގެން ހަމަނުޖެހުން ހިންގައިފިއެވެ.
މޯލްޑިވްސް ޕޮލިސް ސަރވިސްއިން މައުލޫމާތު ދިން ގޮތުގައި އެ ރަށުގައި ހަމަނުޖެހުން ހިންގާފައި ވަނީ ދެ ބިދޭސީންނެވެ. އެގޮތުން މި ހަމަނުޖެހުމުގެ ތެރޭގައި އެތަނުން އެކަކަށް ތޫނު އެއްޗަކުން ހަމަލާދީ ޒަހަމްކޮށްލާފައިވާ ކަމަށް ފުލުހުން ވަނީ ބުނެފައެވެ.
މި މައްސަލައާއި ގުޅިގެން 43 އަހަރުގެ ބަންގްލަދޭޝް ފިރިހެނަކު ހައްޔަރުކޮށްފައިވާ އިރު، އޭނާގެ ބަންދާ މެދު ގޮތެއް ނިންމަން ކޯޓަށް ހާޒިރު ކުރުމުން، ކޯޓުން ވަނީ އޭނާ ބަންދުގައި ބަހައްޓައިގެން ތަހުގީގު ކުރުމަށް 15 ދުވަހުގެ މުއްދަތެއް ދީފައެވެ.
