އާސަންދައިން ފުރަތަމަ ފަހަރަށް މޮބައިލް އެޕްލިކޭޝަނެއް ތަޢާރަފްކޮށްފިއެވެ.
އާސަންދަ" އިގެ ގެނަމުގައި މިއަދު ތައާރަފު ކުރި އެޕަކީ އާސަންދަ ސްކީމްގެ ޚިދުމަތް ހޯދާ މީހުނަށް އަމާޒުކޮށް ލޯންޗު ކުރި އެޕް އެކެވެ. މިއަދު ތަޢާރަފްކޮށްފައިވާ މި އެޕް މިހާރު ޕްލޭ ސްޓޯރުން ޑައުންލޯޑް ކުރެވޭނެއެވެ.
އާސަންދަ ސްކީމްގެ ދަށުން ހިދުމަތް ފޯރުކޮށްދޭ ތަންތަނުގެ ތެރެއިން އާސަންދައިގެ އޮންލައިން ޕޯޓަލް "ވިނަވި" ބޭނުން ކުރާ ހުރިހާ ތަނަކުން، އެމީހަކު ހޯދާ ހިދުމަތްތަކުގެ ތަފްސީލު އެޕުން ފެންނަން ހުންނާނެ ކަމަށެވެ.
ޑޮކްޓަރުންގެ އިލެކްޓްރޯނިކް ބޭސް ސިޓީތައް އެޕް މެދުވެރިކޮށް ބަލާލެވެއެވެ. އަދި ނުހޯދާހިދުމަތެއް ލިސްޓްކޮށްފަވާނަމަ އެ އެޕް މެދުވެރިކޮށް އެކަން ރިޕޯޓް ކުރުމުން އާސަންދައިން އެކަން ބަލާނެ ކަމަށް ބުނެފައިވެއެވެ.
އާސަންދަ ކުންފުނިން ބުނީ، މި އެޕްގެ މަޤްޞަދަކީ އާސަންދަ ސްކީމްގެ ކަންކަން ވީހާ ވެސް ދެފުށް ފެންނަ ގޮތަކަށް ކުރިއަށް ގެންދިއުން ކަމަށެވެ.
