ގދ. މަޑަވެލި މޮނިޓަރިންގ ގެ ހާލަތުން ނަގާފައިވާ ކަމަށް ހެލްތު އިމަރޖެންސީ އޮޕަރޭޝަން ސެންޓަރ (އެޗްއީއޯސީ) ން ބުނެފިއެވެ.
އެޗްއީއޯސީން ހޯމަ ދުވަހުގެ ރޭ ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާން ޑރ. ނަޒްލާ ރަފީގު ވިދާޅުވީ އެރަށުން އެންމެ ފަހުން ނެގި 51 ސާމްޕަލްގެ ނަތީޖާ ނެގެޓިވްވެފައިވާ ކަމަށެވެ. އަދި ދެ ފަހަރެއްގެ މަތިން އެރަށުން ރޭންޑަމް ސާމްޕަލް ނެގިފައިވާ ކަމަށް ޑރ. ނަޒްލާ ވިދާޅުވިއެވެ. މަޑަވެލި މޮނިޓަރިންގ ހާލަތަށް ގެނައީ އެ ރަށާ ކޯޒްވޭއަކުން ގުޅިފައިވާ ހޯނޑެއްދޫއިން ކޮވިޑް-19 އަށް މީހުން ޕޮޒިޓިވްވުމާއި ގުޅިގެންނެވެ.
އެރަށުގައި (މަޑަވެލި) ވެސް ތިބި ބަލީގެ އަލާމާތްތައް ހުރި އެންމެން އަޅުގަނޑުމެން ޓެސްޓްކޮށްފައިވާނެ. ވަރަށް މަދު ކޮންޓެކްޓެއް އެރަށުގައި ތިބީ ހޯނޑެއްދޫ އިން ފެނުނު ކޭސްތަކުގެ. އެކޮންޓެކްޓުންވެސް އަޅުގަނޑުމެން ޓެސްޓް ކޮށްފައިވާނެ. އޭގެއިތުރުން އެންމެ ފުރަތަމަ ދެތިން ދުވަހެއްގެ ތެރޭގައި ގާތްގަޑަކަށް 60ށް ސާމްޕަލް ރެންޑަމް ސަމްޕަލް ނަގައިގެން މަޑަމެވެލިން ޓެސްޓު ކުރިން. މަޑަވެލިން މިހާތަނަށް ކުރި އެއްވެސް ޓެސްޓަކުން ޕޮޒިޓިވްވެފައެއްނުވޭ.ޑރ ނަޒްލާ ރަފީގު
ޑރ. ނަޒްލާ ވިދާޅުވީ ނޭންގި އެއްވެސްވަރަކަށް އިންފެކްޝަނެއް ފެތުރިފައި ހުރިތޯ ބެލުމަށް އަނެއްކާވެސް އާދިއްތަ މާލެ އިތުރު ސާމްޕަލްތަކެއް ގެނެވުނު ކަމަށެވެ. އެގޮތުން ފަހުން ނެގުނީ 51 ސާމްޕަލް ކަމަށް ޑރ. ނަޒްލާ ވިދާޅުވިއެވެ.
މި ސާމްޕަލްތަކުގެ އަދަދު އަދި ނަގާ ތަންތަން މިކަނޑައަޅަނީ ރޭންޑަމް ސަމްޕަލް ނެގުމުގައި ބަލަނީ އާބާދީ އަށް އަދި އާންމު ތަންތަނުން ޚިދުމަތްދޭ ތަންތަން ހުންނަ މިންވަރާއި އެތަންތަނުގައި އެކަކު އަނެކަކާ ބައްދަލުވާ މިންވަރު. މިގޮތަށް ދެ ރައުންޑުން ނެގުނު ސާމްޕަލްވެސް ނެގެޓިވް ވެފައި އަދި ވަކިން މޮނިޓަރިންގ ގައި ހޯނޑެއްދޫ އޮތީމާ މޮނިޓަރިންގ ހާލަތުން މަޑަވެލި މިނެގީޑރ ނަޒްލާ ރަފީގު
މިހާރު މޮނިޓަރިންގ ހާލަތުގައި އޮތީ ހޯނޑެއްދޫ އެކަންޏެވެ. ހޯނޑެއްދޫ މޮނިޓަރިންގ ގެ ހާލަތަށް ގެނައީ މި ސެޕްޓެމްބަރ މަހުގެ 3 ވަނަ ދުވަހުއެވެ. ގދ. ހޯނޑެއްދޫ އިން ކޮވިޑް-19 އަށް ޕޮޒިޓިވްވި، 44 މީހުންގެ ތެރެއިން 25 ރަނގަޅުވެ، މިހާރު ފަރުވާ ދެމުންދަނީ 19 މީހަކަށް ކަމަށް އެޗްޕީއޭ އިން ވަނީ ބުނެފައެވެ. ޑރ. ނަޒްލާ ވިދާޅުވީ ހޯނޑެއްދޫގައި އަދިވެސް ބަލިއޮތްތޯ ބަލަމުން ގެންދާނެ ކަމަށެވެ. އެގޮތުން ރޭންޑަމް ސާމްޕަލިންގ ގެ ދަށުން ސާމްޕަލް ނަގަމުންދާނެ ކަމަށް ޑރ. ނަޒްލާ ވިދާޅުވިއެވެ.
