އުޅަނދުފަހަރު ފާސްކުރުމުގައި ބޭނުންކުރާނެ ބައެއް އާލާތްތައް ޔުނައިޓެޑް ނޭޝަންސް އޮފީސް އޮން ޑްރަގްސް އެންޑް ކްރައިމް (ޔޫއެންއޯޑީސީ) ގެ ފަރާތުން މޯލްޑިވްސް ކަސްޓަމްސް ސަރވިސް އަށް ހަދިޔާކޮށްފިއެވެ.
ކަސްޓަމަސް އިން ބުނީ މި އާލަތްތަކަކީ މަސްތުވާތަކެއްޗާއި އެނޫން ވެސް ގާނޫނާއި ގަވާއިދާއި ޚިލާފަށް ރާއްޖެއަށް އެތެރެ ކުރެވޭ ތަކެތި އެތެރެވުން ހުއްޓުވުން ހަރުދަނާ ކުރުމުގެ ގޮތުން ގޮތުން ކުރެވޭ މަސައްކަތްތަކަށް އެހީތެރިވުމުގެ ގޮތުން ހަދިޔާ ކުރެވުނު އާލަތްތައް ކަމަށެވެ.
ބުރާސްފަތި ދުވަހު ކަސްޓަމްސްގައި ބޭއްވި ހަފްލާއެއްގައި، ކަސްޓަމްސްގެ ފަރާތުން މި އެހީއާ ހަވާލުވެލެއްވީ ކޮމިޝަނަރ ޖެނެރަލް އޮފް ކަސްޓަމްސް އަބްދުﷲ ޝަރީފެވެ.
ޖަޕާން ސަރުކާރުގެ ފަރާތުން ފަންޑު ކުރެއްވި މި އެހީގެ ތެރޭގައި އުޅަނދުފަހަރު ބަލައި ފާސްކުރުމުގައި އާލާތްތަކާއި ރައްކާތެރިކަމުގެ ގޮތުން ބޭނުން ކުރާނެ ސާމާނާއި، އަދި އެ މަސައްކަތުގައި ހިފާ ގެންގުޅޭ އާލާތްތައް ހިމެނޭ ކަމަށް ކަސްޓަމްސް އިން ބުނެއެވެ.
މި ހަފްލާގައި ކަސްޓަމްސްގެ ތަންފީޒީ ގާބިލްކަން އިތުރު ކުރުމަށް ޔޫއެންއޯޑީސީގެ ފަރާތުން ދެމުންދާ އެހީތެރިކަން ކަސްޓަމްސް އިން އިން ވަނީ ފާހަގަ ކޮށްފައެވެ.
