އިތުރު 34 މީހަކު ކޮވިޑް-19ށް ޕޮޒިޓިވްވެއްޖެއެވެ.
އެޗްޕިއޭއިން ބުނީ ޕޮޒިޓިވްވި 34 މީހުންގެ ތެރޭގައި ހިމެނެނީ 12 ދިވެހިންނާއި، 21 ބަންގުލަދޭޝް މީހުންގެ އިތުރުން އިންޑިއާ މީހެއް ކަމަށެވެ. މިއާއެކު ރާއްޖޭގައި ޕޮޒިޓިވްވި މީހުންގެ އަދަދު ވަނީ 1547ށް އަރާފައެވެ.
ކޮވިޑް-19ށް ރާއްޖޭގައި މިހާރު ފަރުވާ ދެމުން އަންނަނީ 1300 މީހުންނަށެވެ. މީގެ ތެރެއިން 12 މީހަކަށް ދަނީ ހޮސްޕިޓަލުގައި އެޑްމިޓްކޮށްގެން ފަރުވާދެމުންނެވެ.
މިހާތަނަށް 242 މީހަކު ވަނީ ބަލިން ފަސޭހަވެފައެވެ. އަދި 5 މީހަކު ވަނީ މަރުވެފައެވެ.
