ހުޅުމާލެ އައިސޮލޭޝަން ފެސިލިޓީގައި މަސައްކަތްކުރާ ފިރިހެން ފުލުހަކު ޖިންސީ ފުރައްސާރަކުރި މައްސަލަ ބަލަން ފަށައިފިއެވެ.
ފުލުހުން ބުނީ ހުޅުމާލެ އައިސޮލޭޝަން ފެސިލިޓީގައި މަސައްކަތް ކުރާ ފިރިހެން ފުލުހެއް އެތަނުގެ އެހެން އިދާރާއެއްގައި މަސައްކަތް ކުރާ އަންހެން މުވައްޒަފަކަށް މިމަހުގެ 24 ވަނަ ދުވަހު ޖިންސީ ފުރައްސާރަކުރި މައްސަލަ އެއް ހުށަހެޅިފައިވާ ކަމަށެވެ.
މި މައްސަލަ ފުލުހުންނަށް ހުށަހެޅިފައި ވަނީ މިމަހުގެ 26 ވަނަ ދުވަހު ކަމަށާއި މި މައްސަލައިގެ ޖިނާއީ ތަހުޤީގެއް ކުރިއަށްދާ ކަަމަށް ފުލުހުން ބުންޏެވެ. އަދި ފުލުހުންގެ ސްޓެންޑާރޑް ކޮމާންޑުންވެސް މި މައްސަލަ ތަހުޤީގު ކުރަމުންދާ ކަމަށް ފުލުހުން މައުލޫމާތު ދެއެވެ.
ތަހުޤީޤްކުރަމުންދާ މައްސަލައެއްކަމުން ފުލުހުން މައްސަލައިގެ އިތުރު މައުލޫމާތެއް ހިއްސާއެއް ނުކުރެއެވެ.
