ލ. ގަމު ގެއަކަށް މަސްތުގެ ޙާލަތުގައި ހުރި ފިރިހެނަކު ވަދެ، އަންހެނަކާއި ގަދަކަމުން ބަދުއަޚުލާގީ ޢަމަލު ހިންގި މައްސަލައެއް ފުލުހުން ތަޙުޤީޤު ކުރަން ފަށައިފި އެވެ.
ފުލުހުން ބުނީ މެއި މަހުގެ 24 ވަނަ ދުވަހުގެ ރޭ ލ. ގަމު ގެއަކަށް މަސްތުގެ ޙާލުގައި ހުރި މީހަކު ވަދެ، 20 އަހަރުުގެ އަންހެނަކާ ގަދަކަމުން ބަދުއަޚުލާގީ ޢަމަލު ހިންގި ކަމުގެ މައްސަލައެއް މެއި މަހުގެ 25 ވަނަ ދުވަހު ފުލުހުންނަށް ހުށަހަޅާފައިވާ ކަމަށެވެ.
މި މައްސަލައާ ގުޅިގެން 28 އަހަރުގެ ދިވެހި ފިރިހެނަކު މި މަހުގެ 26 ވަނަ ދުވަހު ކޯޓު ޢަމުރެއްގެ ދަށުން ހައްޔަރު ކޮށްފައިވާ ކަމަށް ފުލުހުން ބުނެއެވެ.
މި މައްސަލަ ފުލުުހުން ދަނީ ތަޙުޤީޤު ކުރަމުންނެވެ.
