ރާއްޖެއިން ކޮވިޑް-19ށް ޕޮޒިޓިވްވީ 42 ކުޑަ ކުދިންގެ ތެރެއިން 6 ކުއްޖަކު ބަލިން ރަނގަޅުވެފައިވާ ކަމަށް ކުޑަކުދިންގެ ޚާއްޞަ ޑރ. އަޙްމަދު ފައިސަލް ވިދާޅުވެއްޖެ އެވެ.

އަންގާރަ ދުވަހު ޑރ. ފައިސަލް ވިދާޅުވީ ކޮވިޑް-19ށް ޕޮޒިޓިވްވެ ފަރުވާ ހޯދަމުންދާ ހުރިހާ ކުޑަ ކުދިންގެ ޙާލު ރަނގަޅު ކަމަށެވެ.

ކޮވިޑް-19ށް ޕޮޒިޓިވްވާ ކުޑަ ކުދިންގެ ތެރެއިން %40 ކުދިންގެ ކިބައިން ބަލީގެ އެއްވެސް ޢަލާމާތެއް ނުފެންނަ ކަމަށް ވެސް ޑރ. ފައިސަލް ވިދާޅުވެފައި ވެއެވެ.

މާލެ ސިޓީގައި ކޮވިޑް-19 ހަލުހިމިނެއްގައި ފެތުރެމުން ދާއިރު، ކޮވިޑް-19ށް ޕޮޒިޓިވްވި އެންމެ ތުއްތު ކުއްޖާގެ އުމުރަކީ އެންމެ 17 ދުވަހެވެ.

ރާއްޖެއިން މިހާތަނަށް 1160 މީހުން ޕޮޒިޓިވްވެފައި ވާއިރު، 80 މީހަކު ވަނީ ބަލިން ރަނގަޅުވެފައެވެ.