ރާއްޖޭގައި ކޮވިޑް-19 ޖެހުނު މީހުންގެ ތެރެއިން އިތުރު ހަ މީހަކު ބަލިން ފަސޭހަވެއްޖެ އެވެ.
ހެލްތު މިނިސްޓްރީގެ ޑޭޝްބޯޑުން ދައްކާ ގޮތުން ރާއްޖޭގައި ބަލި ޖެހުނު މީހުންގެ ތެރެއިން 80 މީހަކު ވަނީ ބަލިން ފަސޭހަވެފަ އެވެ.
ރާއްޖޭގައި މީހުން ބަލިން ފަސޭހަވާން ނަގާ ދުވަސްތައް ހީކުރި ވަރަށްވުރެ، އިތުރު ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވަނީ ހާމަކޮށްފަ އެވެ. މިކަން ދެނެގަންނަން މަސައްކަތްކުރާ އިރު، ރާއްޖެއިން މިހާތަނަށް ބަލިން ފަސޭހަވެފައިވަނީ އެވަރެޖްކޮށް 17 ދުވަހުގެ މުއްދަތެއްގެ ތެރޭގައެވެ.
އޭގެ އިތުރުން، ރާއްޖެއިން ޕޮޒިޓިވްވި މީހުންގެ ޢަދަދުވެސް މިހާރު ވަނީ 1000ށް ވުރެ މައްޗަށް އަރާފަ އެވެ.
