ރާއްޖޭގެ މަޝްހޫރު ރީޓެއިލް ފިހާރަ "ރެޑްވޭވް" އިން ކޮވިޑް-19 އާއި ގުޅުވައިގެން ހޭންޑް ސެނެޓައިޒަރ އަގު ބޮޑުކޮށް ވިއްކަމުންދާކަމަށް މީސް މީޑިއާގައި ފަތުރާވާހަކަތައް އެ ފިހާރައިން ދޮގުކޮށްފިއެވެ.
ރެޑްވޭވްގެ މެނޭޖަރ ޢަލީ ވިދާޅުވި ގޮތުގައި ކުރިން 50 ރުފިޔާއަށް ވިއްކިކަމަށް ބުނާ ސެނެޓައިޒާ މިހާރު 120ރ އަށް ބޮޑުކޮށްފައިވާކަމަށް ބުނެ ފަތުރަނީ ދޮގުވާހަކައެއްކަމަށެވެ. އަދި މިފަދަ ދަނޑިވަޅެއްގައި އެ ފިހާރައިގެ އެއްވެސް މުދަލެއް އަގުބޮޑުނުކުރާނެކަމުގެ ޔަޤީންކަންވެސް ރައްޔިތުންނަށް ދެއްވާކަމަށް ރެޑްވޭވްއިން ވަނީ މައުލޫމާތު ދީފައެވެ.
އަޅުގަނޑުމެން ވިއްކާ ޑިޓޯލް 50 އެމްއެލް ގެ ކުދި ފުޅި އަކީ ފެށުނީއްސުރެން 50ރ އަށް ވިއްކަމުން އަންނަ އެއްޗެއް. ދެން ހުންނާނީ 200 އެމްއެލްގެ ފުޅި. އެ ވިއްކަނީ 120ރ އަށް. ބޭސްފިހާރަތަކުން މި ލިބެން ހުންނާނީ 170ރ އަށް. އެހެންވީމާ މިއީ ބަޔަކު އޮޅުވާލަންކޮށްފައިވާކަމެއް.ރެޑްވޭވްގެ މެނޭޖަރ ޢަލީ
މިފަދަ ދަނޑިވަޅެއްގައި އެ ފިހާރައިގެ އެއްވެސް މުދަލެއް އަގުބޮޑުނުކުރާނެކަމުގެ ޔަޤީންކަންވެސް ރައްޔިތުންނަށް އޭނާވަނީ އަރުވާފައެވެ.
ރެޑްވޭވުން މިހާރު ވަނީ ހިލޭ ފޭސް މާސްކުވެސް ބަހަން ފަށާފައެވެ. އެގޮތުން އެ ކުންފުނީގެ ސްޓޮކުގައި ހުރި 20000 ފޭސް މާސްކް ކޮންމެ މީހަކަށް އެއް މާސްކުގެ މަގުން ރެޑްވޭވްގެ ސުޕަރ މާޓުތަކުން ބަހާނެއެވެ.
