ނެރުން ނިކުންނަށް އުޅެނިކޮށް، ނެރުގެ ފައިކަށީގައި ޖެހި ގެއްލުންވި ސީ އެމްބިއުލާންސް އަޑިއަށް ގޮސްގެން އެމްއެންޑީއެފްއިން ހަރަކާތްތެރިވާން ފަށައިފިއެވެ.

އެކަމާގުޅޭގޮތުން އެމްއެންޑީއެފުން ބުނީ، މި ހާދިސާގެ މައުލޫމާތު އެމްއެންޑީއެފްގެ މެރިޓައިމް ރެސްކިއު އެންޑް ކޯޑިނޭޝަން ސެންޓަރު (އެމްއާރްސީސީ)އަށް ލިބިފައިވަނީ ހޯމަ ދުވަހުގެރޭ ފަތިހު 5:30 ގައި ކަމަށާއި، ހާދިސާ ހިނގި އިރު ލޯންޗުގައި 7 މީހުން ދަތުރުކުރި ކަމަށެވެ.

އަދި މި ހާދިސާގައި އެއްވެސް މީހަކަށް ގެއްލުމެއް ލިބިފައިނުވާކަމަށް އެމްއެންޑީއެފުން ބުނެއެވެ. އަދި ލޯންޗު އަޑިއަށް ގޮސްފައިވަނީ އޭގައި ތިބި އެންމެން ސަލާމަތްކުރި ފަހުން ކަމަށްވެސް އެމްއެންޑީއެފްއިން މައުލޫމާތު ދީފައިވެއެވެ.

އެމްއެންޑީއެފުން ބުނީ، ލޯންޗު ދިޔަވާންފެށީ ނ މާޅެންދޫ ނެރުން ނުކުންނަން އުޅެނިކޮށް ރާޅެއް ޖެހުމުގެ ސަބަބުން ލޯންޗު ނެރު ތޮށިގަނޑުގައި ޖެހި ފަޅައިގެން ދިއުމުގެ ސަބަބުން ކަމަށެވެ.

އެމްއެންޑީއެފް ކޯސްޓްގަރޑުން މިހާރު އަންނަނީ، މޫދު އަޑިން ލޯންޗު ނެގުމުގެ މަސައްކަތް ކުރަމުންނެވެ.