ބިދޭސީ ދެ ގުރޫޕެއްގެ ދެމެދުގަ ހިނގި މާރާމާރީއެއްގައި އެކަކަށް އަނިޔާވެއްޖެ އެވެ.
ފުލުހުން ބުނީ ހޮނިހިރު ދުވަހުގެ އިރުއޮއްސި 19:02 ހާއިރު މަޖީދީ މަގުގަ ބިދޭސީ ދެ ގުރޫޕެއްގެ ދެމެދުގައި މާރާމާރީއެއް ހިނގައިގެން އެކަމުގެ ރިޕޯޓު ފުލުހުންނަށް ލިބިފައިވާކަމަށެވެ. މި މަރާމާރީގައި އެކަކަށް ތޫނު އެއްޗަކުން ޙަމަލާދީފައިވާ ކަމަށާއި އަނިޔާ ލިބުނު މީހާއަށް ސީރިޔަސް އަނިޔާއެއް ލިބިފައިނުވާކަމަށް ފުލުހުން ބުނެއެވެ. މި މާރާމާރީ ހިނގި ސަބަބެއް ފުލުހުން ހާމައެއް ނުކުރެއެވެ.
Advertisement
އަނިޔާ ލިބުނު މީހާ ހިމެނޭ ގޮތަށް މިމާރާމާރީގައި ޝާމިލުވަނީ ހަތަރު ފިރެހެނުންކަމަށް ފުލުހުން ބުނެއެވެ. އަދި މި ހަތަރު މީހުން ފުލުހުންގެ މަރުކަޒަށް ގެނެސްފައިކަމަށްވެސް ފުލުހުން ބުނެއެވެ.
މިމައްސަލަ އިތުރަށް ބަލަމުންދާކަމަށްވެސް ފުލުހުން ވަނީ ބުނެފަ އެވެ.
