ސަފާރީއެއްގެ ވެރި މީހަކު މަސްތުވެ ހުރެގެން ބަޔަކަށް ބިރުދެއްކި ކަމުގެ ތުހުމަތުގައި ހައްޔަރު ކޮށްފި އެވެ.

ފުލުހުން ބުނީ، ހޯމަ ދުވަހުގެ ހަވީރުގެ ވަގުތެއްގައި އދ. ދިއްދޫ ކައިރީގައި އަޅާފައި އޮތް ސަފާރީއެއްގައި ތިބި ބަޔަކަށް އެ ސަފާރީގެ ވެރިޔާ މަސްތުގެ ހާލަތުގައި ހުރެ ބިރު ދެއްކިކަމުގެ މަޢުލޫމާތު ލިބިފައިވާ ކަމަށެވެ.

އެ މައުލޫމާތު ލިބުމާއި އެކު ފުލުހުން އެ ސަފާރީ އަށް ގޮސް އޭގެ ވެރިމީހާ ފުލުހުންގެ ބެލުމުގެ ދަށަށް ވަނީ ގެންގޮސްފައެވެ. ފުލުހުން ބުނީ އެ މީހާ އަކީ 47 އަހަރުގެ ފިރިހެނެއް ކަމަށެވެ.

ފުލުހުން ދަނީ މައްސަލަ ބަލަމުންނެވެ.