އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް)ގެ ސީލިންގުން ބައެއް ވެއްޓި ކުއްޖަކަށް އަނިޔާވެއްޖެއެވެ.

މަންޒަރު ދުށް މީހުން ބުނީ އައިޖީއެމްއެޗްގެ އައިސީޔޫ ކައިރީ ވެއިޓިން ރޫމްގައި ޑޮކްޓަރަށް ދެއްކުމަށް ގޮސް އިން ގާތްގަނޑަކަށް 14 އަހަރުގެ އަންހެން ކުއްޖެއްގެ ބޮލަށް ސީލިންގުގެ ބައި ވެއްޓިފައިވާ ކަމަށެވެ. އަދި އެކުއްޖާގެ ބޮލަށް އަނިޔާވެފައިވާ ކަމަށް އެމީހާ ބުންޏެވެ. ނަމަވެސް ލިބުނީ ކިހާ ބޮޑު އަނިޔާއެއް ކަމެއް ސާފެއް ނުވެއެވެ.

ފޮޓޯތަކުން ފެންނަ ގޮތުގައި، ސީލިންގުން ބައެއް ވެއްޓުނު ދިމާލަށް ވަރަށް ބޮޑަށް ފެންވަދެ ވަނީ ސީލިންގުގެ ޕެނަލްތައް ވަރަށް ބޮޑަށް ފޯވެފައެވެ.

އައިޖީއެމްއެޗްގެ މީޑިއާ އޮފިޝަލް ފޯނު ނުނަންގަވާތީ މިހާދިސާއާ ގުޅޭ އިތުރު މައުލޫމާތު ލިބޭ ގޮތް ވަނީ ނުވެފައެވެ.