މާލޭ ފަޅު ބޭރުން ދެ ލޯންޗެއްޖެހި ހިނގި އެކްސިޑެންޓުގައި ހަތަރު މީހަކަށް އަނިޔާވެއްޖެ އެވެ.

ފުލުހުން ބުނީ މި އެކްސިޑެންތުގެ މައުލޫމާތު ލިބުނީ 10:08 ހާއިރު ކަމަށެވެ. އަދި މި އެކްސިޑެންޓުގައި ހަތަރު މީހަކަށް އަނިޔާވެފައިވާކަމަށާއި، އެ ހަތަރު މީހުންނަށްވެސް އައިޖީއެމްއެޗުގައި ފަރުވާދެމުން އަންނަކަމަށެވެ.

މި ހާދިސާގައި އަނިޔާވެފައިވަނީ 17 އަހަރުގެ އަންހެނަކަށާއި، 28 އަހަރުގެ ފިރިހެނަކަށާއި، 38 އަހަރުގެ ފިރިހެނަކާ 50 އަހަރުގެ ފިރިހެނަކަށެވެ. އޭގެތެރެއިން ބޮޑަށް އަނިޔާވެފައިވަނީ 50 އަހަރުގެ ފިރިހެން މީހާއަށްކަމަށް ފުލުހުން ބުންޏެވެ.

ފުލުހުން ބުނިގޮތުގައި ލޯންޗު ދުއްވަން ތިބި ދެ މީހުންނަކީވެސް ލޯންޗު ދުއްވުމުގެ ހުއްދަ އޮންނަ ދެ މީހުން ކަމަށެވެ. އަދި މައްސަލަ އިތުރަށް ތަހުޤީޤްކުރަމުން އަންނަކަމަސް ފުލުހުން ބުންޏެވެ.