Advertisement
ކ. މާލެ
|
13 އޮކްޓޯބަރ 2019 | އާދީއްތަ 07:10
އުމުރުން ދުވަސްވީ މީހުންގެ ދުވަސް ފާހަގަ ކުރުމުގެ އާއިލީ ހަވީރުގައި ރައީސް ބައިވެރިވެ ވަޑައިގަންނަވަނީ
އުމުރުން ދުވަސްވީ މީހުންގެ ދުވަސް ފާހަގަ ކުރުމުގެ އާއިލީ ހަވީރުގައި ރައީސް ބައިވެރިވެ ވަޑައިގަންނަވަނީ
ރައީސް އޮފީސް
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިޙް
އުމުރުން ދުވަސްވީ މީހުންގެ ދުވަސް ފާހަގަކުރުމަށް ބޭއްވި ޢާއިލީ ހަވީރުގައި ރައީސް ބައިވެރިވެވަޑައިގެންފި
ރައީސް ވަނީ އެތަނުގައި ހުޅުވާފައި ހުރި އެކިއެކި ސްޓޯލްތަކަށް ޒިޔާރަތްކުރައްވާފައި
އާއިލީ ހަވީރުގައި 17 ސްޓޯލެއް ގާއިމް ކޮށްފައިވޭ
ޢާއިލީ ހަވީރެއް ބޭއްވުމުގެ މަޤްޞަދަކީ އުމުރުން ދުވަސްވީ މީހުންނަށް ޢާއިލާއާއެކު އުފާވެރި ވަގުތުކޮޅެއް ހޭދަކޮށްލުން

ބައިނަލްއަޤްވާމީގޮތުން ފާހަގަކުރާ އުމުރުން ދުވަސްވީ މީހުންގެ ދުވަސް ފާހަގަކުރުމަށް ކުޑަކުދިންގެ ބަގީޗާގައި ހޮނިހިރު ދުވަހު ބޭއްވި ޢާއިލީ ހަވީރުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ބައިވެރިވެވަޑައިގެންފިއެވެ.

ޢާއިލީ ހަވީރުގައި ބައިވެރިވެވަޑައިގެންނެވުމަށް ރައީސުލްޖުމްހޫރިއްޔާ ކުޑަކުދިންގެ ބަގީޗާއަށް ކުރެއްވި ޒިޔާރަތުގައި އެމަނިކުފާނު ވަނީ އެތަނުގައި ހުޅުވާފައި ހުރި އެކިއެކި ސްޓޯލްތަކަށް ޒިޔާރަތްކުރައްވައި އެތަންތަން ބައްލަވާލައްވާފައެވެ.

އުމުރުން ދުވަސްވީ މީހުންގެ ދުވަސް ފާހަގަކުރުމަށް މިނިސްޓްރީ އޮފް ޖެންޑަރ، ފެލިމީ އެންޑް ސޯޝަލް ސަރވިސަސް އިން އިންތިޒާމުކޮށްގެން ކުރިޔަށްގެންދިޔަ މި ޢާއިލީ ހަވީރުގައި އުމުރުން ދުވަސްވީ މީހުންގެ ޙައްޤުތަކަށް މަސައްކަތްކުރާ އެކިއެކި ޖަމުޢިއްޔާ ޖަމާޢަތްތަކާއި ސަރުކާރުގެ އެކިއެކި އިދާރާތަކުން ޖުމްލަ 17 ސްޓޯލެއް ޤާއިމުކޮށްފައިވެއެވެ.

Advertisement

ބައިނަލްއަޤްވާމީގޮތުން ފާހަގަކުރާ އުމުރުން ދުވަސްވީ މީހުންގެ ދުވަހުގެ މުނާޞަބާ ފާހަގަކުރުމުގެ ގޮތުން މިފަދަ ޢާއިލީ ހަވީރެއް ބޭއްވުމުގެ މައިގަނޑު މަޤްޞަދަކީ އުމުރުން ދުވަސްވީ މީހުންނަށް ޢާއިލާއާއެކު އުފާވެރި ވަގުތުކޮޅެއް ހޭދަކޮށްލުމުގެ ފުރުޞަތު ތަނަވަސްކޮށްދިނުމެވެ.

މި ޢާއިލީ ހަވީރުގައި ހުޅުވާފައިވާ ސްޓޯލްތަކުގައި އުމުރުން ދުވަސްވީ މީހުންނަށް ޢާއިލާއާއެކު ބައިވެރިވެވޭ ގޮތަށް ތަފާތު ކުޅިވަރުތައް އިންތިޒާމު ކުރެވިފައިވާއިރު ބައެއް ސްޓޯލް ތަކުގައި ޞިއްހީ ބައެއް ޓެސްޓްތައް ކޮށްލުމުގެ ޚިދުމަތާއި އުމުރުން ދުވަސްވީ މީހުންނަށް މުހިންމު ތަފާތު އެކިއެކި މައުލޫމާތު ފޯރުކޮށްދިނުން ފަދަ ކަންކަން ވެސް ހިމަނާފައިވެއެވެ.

Advertisement

Advertisement
އެންމެ ފަހުން އަޕްޑޭޓް ކުރީ: 4 ދުވަަސް ކުރިން
ރިވިއު ކުރީ: ސިމާހާ ނަސީމް
- ކޮމެންޓް