ޕީޕަލް ނެޝަނަލް ކޮންގްރެސް (ޕީއެންސީ) އިން އަހުމަދު ނިހާން ހުސެއިން މަނިކު އިސްތިއުފާ ދެއްވައިފިއެވެ.
ހޯމަ ދުވަހު ނިހާން ކުރެއްވި ޓުވީޓެއްގައި ވިދާޅުވީ، ޕީއެންސީގެ ނައިބްރައީސްގެ މަގާމު އަދި ޕާޓީގެ މެމްބަރުކަމުން މިއަދުން ފެށިގެން އިސްތިއުފާ ދީފައިވާ ކަމަށެވެ.
ޕީޕީއެމް ޓިކެޓުގައި ވާދަކޮށް ނިމިދިޔަ މަޖިލިސް އިންތިހާބުގައި ނާކާމިޔާބީއާ ކުރިމަތިލާން ޖެހިވަޑައިގެންނެވި ނިހާން ޕީއެންސީއާ ގުޅިވަޑައިގެންނެވީ މި އަހަރުގެ އެޕްރިލް މަހުގެ ތެރޭގައެވެ.
ޕީއެންސީ ދޫކޮށްލި ސަބަބު ނިހާން ހާމަނުކުރައްވައެވެ. ނަމަވެސް އެބޭފުޅާ ޕީޕީއެމް ދޫކުރެއްވީ އެޕާޓީގައި ކުރިމަގެއް ނެތް ކަމަށް ވިދާޅުވުމަށް ފަހު އެވެ.
މީގެ ކުރިން ވިލިމާފަންނު ދާއިރާގެ މެމްބަރުކަން ކުރައްވާފައިވާ ނިހާން ވަނީ ޕީޕީއެމްގެ ޕާލިމެންޓަރީ ގްރޫޕްގެ ލީޑަރުކަން ވެސް ކުރައްވާފައެވެ.
