2013 ވަނަ އަހަރަށް ފަހު ފުރަތަމަ ފަހަރަށް އެމެރިކާގައި މަރުގެ އަދަބު ދޭން ނިންމައިފިއެވެ.

އެގޮތުން އެ ގައުމުން ވަނީ މަރުގެ ހުކުމް އިއްވާފައިވާ ފަސް މީހެއްގެ އަދަބު ތަންފީޒް ކުރަން ނިންމައިފައެވެ. އަދަބު ތަންފީޒް ކުރާ ފަސް ގައިދީންނަކީ މީހުން މެރުމާއި ކުޑަކުދިންނާއި ބޮޑެތި މީހުން ރޭޕްކޮށްގެން ކުށް ސާބިތުވެ މަރަން ހުކުމްކޮށްފައިވާ މީހުންނެވެ.

އެމެރިކާގައި މަރުގެ އަދަބު ދޭން ނިންމާފައިވާއިރު އިންސާނީ ހައްގުތަކަށް މަސައްކަތް ކުރާ ޖަމާއަތްތަކާއި ޑިމޮކްރެޓުންގެ ފާޑުކިއުންތައް ވަނީ އަމާޒުވެފައެވެ. އެގޮތުން އެގައުމުގެ ޑިމޮކްރެޓިކް ޕާޓީން ރިޔާސީ ރޭހަށް ނުކުންނަވާ ބައެއް ކެންޑިޑޭޓުން ވަނީ އަދަބު ތަންފީޒުކުރުން އުވާލުމަށް ގޮވާލާފައެވެ.

އެމެރިކާގެ 29 ސްޓޭޓުގައި މިހާރު ވެސް މަރުގެ އަދަބު ދެމުންދެއެވެ. އެންމެ ގިނަ މީހުންނަށް މަރުގެ އަދަބު ދީފައި ވަނީ ޓެކްސަސްގައި ކަމަށްވާއިރު އެ ސްޓޭޓުން ވަނީ 561 މީހަކަށް މަރުގެ އަދަބު ދީފައެވެ.

އެމެރިކާއިން މަރުގެ ހުކުމް އަލުން ތަންފީޒު ކުރުމަށް ފަށަން ނިންމާފައިވަނީ 16 އަހަރު ފަހުންނެވެ.