ކ.ގުރައިދޫ މެޖިސްޓްރޭޓް ކޯޓުގެ ކޯޓު އިސް މެޖިސްޓްރޭޓް އަލްއުސްތާޛު މުޙައްމަދު މޫސާ އަވަހާރަވުމާގުޅިގެން، ހުކުރު ދުވަހުން ފެށިގެން ކުރިއަށް އޮތް ތިން ދުވަހު ޝަރުޢީ ކޯޓުތަކާއި އިދާރާތަކުގެ ދިދަ ބައިދަނޑިއަށް ތިރިކުރުމަށް އުއްތަމަ ފަނޑިޔާރު އޮނަރަބަލް ޑރ. އަޙްމަދު ޢަބްދުﷲ ދީދީ ނިންމަވައިފިއެވެ.

މޫސާ ކުއްލި ގޮތަަކަށް އަވަހާރަވެފައިވަނީ ބުރާސްފަތި ދުވަހުގެ ވަގުތެއްގައެވެ. އޭނާގެ މައްޗަށް ކަށުނަމާދު ކޮށްފައިވަނީ ބުރާސްފަތި ދުވަހުގެ މަޣްރިބް ނަމާދަށްފަހު ހުޅުމާލޭ ވަގުތީ މިސްކިތުގައެވެ.

ނަވާރަ ސަތޭކަ ނުވަދިހަ ވަނަ އަހަރުން ފެށިގެން 29 އަހަރާއި ފަސް މަސް ދުވަސް ވަންދެން މޫސާ ވަނީ ފަނޑިޔާރުކަމުގެ މަގާމު ފުރުއްވާފައެވެ. އޭނާވަނީ، ފުލުސް ކޯޓުގެ ކާތިބުކަމާއި ކަނދޮޅުދޫ ކަތީބުކަމުގެ އިތުރުން ޒިންމާދާރު އެހެން މަޤާމުތައް އަދާކުރައްވާފައެވެ.