ފ.މަގޫދޫ ކައުންސިލް އިދާރާގެ ތިޖޫރީފަޅާލައި ތިޖޫރީގައިހުރި ފައިސާ ވަގަށް ނެގި މައްސަލައިގެ ތުހުމަތުގައި9 މީހުން ހައްޔަރު ކޮށްފިއެވެ.

މިދިޔަ އާދިއްތަ ދުވަހުގެ ރޭ ކައުންސިލް އިދާރާގެ ސެކިއުރިޓީ ގާޑު ބަނދެ. އެ އިދާރާގެ ދޮރު ހަލާކުކޮށްލައިގެން ވަދެ ތިޖޫރީފަޅާލައި، ތިޖޫރީގައި ހުރި ފައިސާތައް ވަގަށްނަގާފައިވާ މައްސަލައިގެ ތުހުމަތުގައި ހައްޔަރު ކުރިމީހުން ހައްޔަރު ކޮށްފައި ވަނީ މަގޫދޫ ކައިރިން ޑިންގީއަކާއި ދޯންޏެއްގައި ދަނިކޮށް ކަނޑުމަތިންނެވެ.

މި މައްސަލައިގެ ހައްޔަރު ކޮށްފައިވަނީ އުމުރުން 23 އަހަރުގެ ދެ މީހުންނާއި 24 އަހަރުގެ ދެ މީހުންގެ އިތުރުން 26 އަހަރުގެ މީހެކެވެ. އަދި އުމުރުން 32 އަހަރާއި 38 އަހަރާއި ދެމެދުގެ ހަތަރު މީހުން ވެސް ހައްޔަރު ކޮށްފައިވާ މީހުންގެ ތެރޭގައި ހިމެނެއެވެ.

މަގޫދޫ ކައުންސިލް އިދާރާގެ ތިޖޫރީފަޅާލި މައްސަލައިގައި ހައްޔަރު ކޮށްފައިވާ 9 މީހުންގެ ބަންދަށް ނިލަންދޫ މެޖިސްޓްރޭޓް ކޯޓުންވަނީ 5 ދުވަހުގެ މުއްދަތެއް ދީފައެވެ.