ހެލްތް މިނިސްޓަރ އަބްދުﷲ އަމީން ލ. ދަނބިދޫ ޞިއްޙީ މަރުކަޒަށް ޒިޔާރަތް ކުރައްވައިފިއެވެ.

މިއީ އެރަށުގެ ޞިއްހީ މަރުކާޒުގެ މުވައްޒަފުންނާ ބައްދަލު ކޮށް ،އެ މަރުކަޒުގެ ހާލަތު ބައްލަވާލައްވަން މިނިސްޓަރ ކުރެއްވި ޒިޔާރަތެކެވެ.

ހެލްތް މިނިސްޓަރ ދަނީ ލ. އަތޮޅުގެ ޞިއްޙީ މަރުކަޒުތަކާއި ހޮސްޕިޓަލްތަކުގެ ހާލަތު ބެއްލެވުމަށް ދަތުރު ކުރައްވަމުންނެވެ. އެގޮތުން މިނިސްޓަރ ވަނީ ލ. އަތޮޅުގެ ގަމު ރީޖަނަލް ހޮސްޕިޓަލަށް ޒިޔާރަތް ކުރައްވާފައެވެ.

މީގެ އިތުރުން މިނިސްޓާރ ވަނީ ފޮނަދޫ، މާވަށު، ކުނަހަންދޫ، ހިތަދޫ، މާމެންދޫ، މުންޑޫ އަދި ދަނބިދޫ ގެ ޞިއްޙީ މަރުކަޒުގެ ހާލަތުވެސް މި ދަތުރުފުޅުގައި ބައްލަވާ، މުވައްޒަފުންނާއި ބައްދަލު ކުރައްވާފައެވެ.

ލ. އަތޮޅަށް މިނިސްޓަރ އަބްދުﷲ އަމީން އެ އަތޮޅުގެ ހޮސްޕިޓަލްތަކާއި ޞިއްޙީ މަރުކަޒުތަކުގެ ހާލަތު ބައްލަވާލެއްވުމަށް ދަތުރު ފެއްޓެވީ މި މަހުގެ 27 ވަނަ ދުވަހެވެ.

ލ. އަތޮޅުގެ ރައްޔިތުން ވަނީ މިނިސްޓަރ އަށް ވަރަށް ހޫނު މަރުހަބާއެއް ކިޔާފައެވެ.