ދިރާގުގެ ބައެއް ހިދުމަތްތައް ބޭނުން ކުރުމުގައި އުނދަގޫތަކެއް ކުރިމަތިވެއްޖެއެވެ.
އުނދަގޫ ކުރިމަތިވެފައިވަނީ، ދިރާގުގެ ޑޭޓާ ބޭނުންކުރުމުގަ އާއި ފޯނު ކޯލުތައް ކުރުމުގައެވެ.
އެ ކުންފުނިން ވަނީ މިކަމާ ގުޅިގެން ޓްވީޓެއް ވެސް ކޮށްފައެވެ. އެ ޓްވީޓުގައި ވާ ގޮތުން ދިރާގު ކަސްޓަމަރުންނަށް ޑޭޓާގެ ހިދުމަތްތަކާއި ފޯނު ކޯލުތައް ކުރުމުގައި އުނދަގޫތަކެއް ދިމާވުން އެކަށީގެންވެއެވެ.
އެ މައްސަލަ ހައްލު ކުރުމަށް ދިރާގުން ދަނީ މަސައްކަތް ކުރަމުން ކަމަށް އެ ކުންފުނިން ބުނެފައިވެއެވެ.
މި މައްސަލަ ދިމާވެފައިވަނީ ބުރާސްފަތި ދުވަހުގެ ހެނދުނުއެވެ. ކަސްޓަމަރުން ދަނީ މިކަމާ ގުޅޭ ގޮތުން ޝަކުވާތައް ކުރަމުންނެވެ.
