މަސައްކަތް ތެރިން ކުރާ މަސައްކަތްތަކަށް އެކަށީގެންވާ އުޖޫރައެއް މި ސަރުކާރުން ލިބޭނެ ކަމުގެ ޔަގީންކަން ދެއްވާ ކަމަށް ފޮރިން މިނިސްޓަރ އަބްދުﷲ ޝާހިދު ވިދާޅުވެއްޖެއެވެ.
ބައިނަލް އަގުވާމީ މަސައްކަތްތެރިންގެ ދުވަހާ ގުޅުވައިގެން ޝާހިދު ކުރެއްވި ޓްވީޓެއްގައި ވިދާޅުވީ މަސައްކަތް ތެރިންގެ ދުވަހުގެ ތަހުނިޔާ ރާއްޖޭގެ މަސައްކަތް ކުރާ އެންމެހާ އަންހެނުންނާއި ފިރިހެނުންނަށް ދަންނަވާ ކަމަށެވެ. އަދި ސަރުކާރުން ރާއްޖޭގެ އިސްތިސާދު ކުރިއެރުވުމުގަ އާއި މުޖުތަމައުއަށް ކުރަމުންދާ މަސައްކަތްތައް ބަލައިގަންނަ ކަމަށާއި މަސައްކަތްތެރިންގެ ހައްގުތައް މިސަރުކާރުން ހިމާޔަތް ކުރާ ކަމަށް ޝާހިދު ވިދާޅުވިއެވެ. މީގެ އިތުރުން މަސައްކަތްތެރިންނަށް އެކަށީގެންވާ އުޖޫރަ މިސަރުކާރުން ދޭނެ ކަމަށް ޝާހިދު ވިދާޅުވިއެވެ.
Happy #LabourDay2019 to all hardworking Maldivian women and men. This Government values the contributions you make to our economy and society; we will protect your rights; we will ensure your wage is adequate to your work; you keep #Maldives moving forward.
— Abdulla Shahid (@abdulla_shahid) May 1, 2019
މަސައްކަތްތެރިންގެ ދުވަހާ ދިމާކޮށް ބުދަ ދުވަހު ސަރުކާރުން ވަނީ އެންމެ ކުޑަ އުޖޫރަ ކަނޑައެޅުމުގައި ރައީސް އިބްރާހީމް ސޯލިހަށް ލަފާ އަރުވާނެ ބޯޑެއް އުފައްދާފައެވެ.
މިސަރުކާރުން ވަނީ މަސައްކަތްތެރިންނަށް ނުވަތަ ވަޒީފާ އަދާކުރާ މީހުންނަށް ދެވޭނެ އެންމެ ކުޑަ އުޖޫރައެއް ކަނޑައެޅުމަށް އެމްޑީޕީން އެކުލަވާލި އެޖެންޑާ 19 ގައި ހިމަނާފައެވެ. އޭގައި ވާގޮތުން އުޖޫރައިގެ ގޮތުގައި ދެވޭ އެންމެ ކުޑަ އަދަދު ދާއިމީ ވަޒީފާ އާއި ވަގުތީ ވަޒީފާ އަދާކުރާ މުއައްޒަފުންނަށް ދެވޭނެއެވެ.
