ރާއްޖޭގެ ފަތުރުވެރިކަން ކުރިއެރުވުމާއި މޫދަށް ކުނި ނޭޅުމަށް ބާރުއަޅެމުގެ މަގުސަދުގައި ބާއްވާ ރާޅުގުޑި ހަރަކާތުގެ މީޑިއާ ޕާރޓްނަރަކަށް ރާއްޖެ ޓީވީ ހަމަޖައްސައި، އެއްބަސްވުމުގައި ސޮއިކޮށްފިއެވެ.
"ރާޅު ގުޑި ދެކުނުން އުތުރަށް" ހަރަކާތުގެ މެނޭޖަރު މުހައްމަދު ފައިސަލް (ކޭވީ) ބުނީ ހަރަކާތް ކުރިއަށް ދާނީ އައްޑު އަތޮޅުން ފެށިގެން ހއ. ތުރާކުނާއި ހަމައަށް ކަމަށެވެ. ޖޫން އަދި ޖުލައި މަހުގައި ކުރިއަށް ގެންދާ މި ހަރަކާތްގައި ބައިވެރިވަނީ ހަތަރު މީހުންނެވެ.
ރާޅުގުޑި އިވެންޓު އިންތިޒާމު ކުރާ މާފުށި ޑައިވް އިން ބުނެފައި ވަނީ އައްޑު އަތޮޅުގެ އެންމެ ދެކުނު ބިތުން ތުރާކުނުގެ އެންމެ އުތުރު ބިތަށް ރާޅުގުޑީގައި ފަށާ މި ދަތުރުގެ ދިގު މިނަކީ 15 ދުވަސް ކަމަށާއި، މި މުއްދަތުގައި 20 ރަށެއްގައި މަޑުކުރާނެ ކަމަށެވެ.
