ބައެއް މީހުން ކުއްލިއަކަށް ކޮޅު ބަދަލުކުރާތަން އެބަފެންނަ ކަމަށާއި ނަމަވެސް ކޯލިޝަނަށްޓަކައި މަގުމަތީގައި ގުރުބާންވި ރައްޔިތުންގެ މަތިން ހަދާން ނައްތާލައިގެން ނުވާނެ ކަމަށް ރައީސް ޔާމީން ސަރުކާރުގެ ފުރަތަމަ ނައިބު ރައީސް ޑރ. މުހައްމަދު ޖަމީލު އަހްމަދު ވިދާޅުވެއްޖެއެވެ.
ޑރ.ޖަމީލު މިހެން ވިދާޅުވެފައި ވަނީ ވެރިކަން ބަދަލުވުމާއި ގުޅިގެން ރައީސް ޔާމިން އަރިހުގައި އުޅުއްވި އިސްބައެއް ބޭފުޅުން އިދިކޮޅު ކޯލިޝަންތަކާއި ގުޅެމުންދާ ދުވަސްވަރެއްގައެވެ.
ޑރ ޖަމީލު ކުރެއްވި ޓްވީޓެއްގައި ވިދާޅުވީ ރައީސް ޔާމީންގެ ސަރުކާރުން ގާނޫނީ އިމުން ބޭރުން އެތަކެއް ކަމެއް ހިންގިއިރު އެކަން ދިފާއުކޮށް އަދި ހަނު ތިބި ފަރާތްތަކުން ވެރިކަން ބަދަލުވަމުން ކުއްލިޔަކަށް ހޭލާތަން އެބަ ފެންނަ ކަމަށެވެ.
RY ge sarukaarun qaanoonee imun beyrun ethakeh kameh hingi iru ekan dhifaaukoh, adhi hanu thibi faraaithakun verikan badhalvumun kuhliyakah heylaathan eba feney. Bura masaikah koh, magu mathee gai qurbaan vi ethakeh rayyithun mathin hadhaan kuran jehey! Eiee Coalition ge vaudhu.
— Mohamed Jameel Ahmed (@MJameelAhmed) November 15, 2018
ނަމަވެސް ބުރަ މަސައްކަތްކޮށް މަގު މަތީގައި ގުރުބާންވި އެތަކެއް ރައްޔިތުން މަތިން ހަނދާން ކުރަން ޖެހޭ ކަމަށާއި، އެއީ ކޯލިޝަންގެ ވައުދު ކަމަށް ޑރ ޖަމީލު ވިދާޅުވިއެވެ.
