ކުރީގެ ޑިފެންސް މިނިސްޓަރ ކާނަލް ރިޓަޔާޑް މުހައްމަދު ނާޒިމާއި ކުރީގެ ރައީސް މައުމޫން އަބްދުލްގައްޔޫމް ބައްދަލު ކުރައްވައިފިއެވެ.
ރޭގަނޑުގެ ފަރިއްކޮޅަކާ އެކު ބުރާސްފަތި ދުވަހުގެ ރޭ ބޭއްވި މި ބައްދަލު ކުރެއްވުމުގައި ރައީސް މައުމޫންގެ އަނބިކަނބަލުން ނަސްރީނާ އިބްރާހިމް އާއި ނާޒިމްގެ އަނބިކަނބަލުން އަފާފު މުހައްމަދު ވެސް ވަނީ ބައިވެރިވެވަޑައިގެންފައެވެ.
My wife joins me in thanking you Hon Col (retired) @nazim7878 and mdm @afaaf7878 for a wonderful evening and a sumptuous dinner. So nice to meet you both after such a long time. pic.twitter.com/7ArFRXO5lC
— Maumoon Abdul Gayoom (@maumoonagayoom) November 9, 2018
ނާޒިމް އާއި ރައީސް މައުމޫނު ވެސް މި ވަގުތު ހުންނެވީ ބޭސް ފަރުވާއަކަށް އާއިލާއާ އެކު މެލޭޝިޔާގައެވެ.
ކާނަލް ނާޒިމް 11 އަހަރަށް ޖަލަށްލުމަށް ކްރިމިނަލް ކޯޓުން މީގެ ތިން އަހަރު ކުރިން ކުރި ހުކުމް ރިވިއުކޮށްދިނުމަށް ހުށަހަޅާފައިވާ މައްސަލާގައި އެ ކޯޓުން ވަކި ގޮތެއް ކަނޑައަޅަންދެން ކްރިމިނަލް ކޯޓުން އެ ދެބޭފުޅުންގެ މައްޗަށް ކޮށްފައިވާ ޖަލު ހުކުމްތައް ތަންފީޒު ކުރުން ވަގުތީ ގޮތުން ފަސްކުރުމަށް މިހިނގާ ނޮވެމްބަރު މަހުގެ 4 ވަނަ ދުވަހު ވަނީ އަމުރުކޮށްފައެވެ
ނާޒިމް ދިރިއުޅުއްވާ އެޕާޓްމަންޓުން ފިސްތޯލަ ފެނުނު މައްސަލަ ސާބިތުކޮށް ހަނގުރާމަވެރި ހަތިޔާރު ގެންގުޅުމުގެ ކުށުގެ ދައުވާ އުފުލާ ނާޒިމްގެ މައްޗަށް ހުކުމް ކޮށްފައި ވަނީ 2015 ވަނަ އަހަރުގެ މާޗު މަހުގެ 27 ވަނަ ދުވަހުއެވެ. އެ މައްސަލާގައި ނާޒިމްގެ ދިފާއީ ވަކީލުން ބުނެފައި ވަނީ ނާޒިމްގެ މައްޗަށް އެ ހުކުމް ކުރީ އޭނާ ފްރޭމްކޮށްގެން ކަމަށެވެ.