އިންޑިއާގެ ނޫހެއް ކަމަށްވާ ދަ ހިންދޫ އިން ބޭއްވި އަދަބީ ފެސްޓިވަލެއްގައި ބައިވެރިވެވަޑައިގަތުމަށް ރައީސް މުޙައްމަދު ނަޝީދު އިންޑިއާ އަށް ކުރެއްވި ދަތުރުފުޅު ނިންމަވާލައްވައިފިއެވެ.
ދަ ހިންދޫ ނޫހުން ބޭއްވި ދަ ހަޑްލް ފެސްޓިވަލްގައި ބައިވެރިވެވަޑައިގަތުމަށް ރައީސް ނަޝީދު އިންޑިއާ އަށް ވަޑައިގެންނެވީ ފެބްރުއަރީ މަހުގެ 15 ވަނަ ދުވަހުއެވެ. އިންޑިއާގެ ބެންގަލޫރުގައި ދެ ދުވަހަށް ދެމިގެންދިޔަ މި ފެސްޓިވަލްގައި ރައީސް ނަޝީދު ވަނީ ޑިމޮކްރެސީ އާ އިންސާނީ ހައްގުތައް އަދި ރާއްޖޭގެ ސިޔާސީ މަސްރަހާއި އިންޑިއާ ކަނޑުގެ ހަމަޖެހުމާ ގުޅޭ ގޮތުން ވާހަކަ ދައްކަވާފައެވެ.
މި ފެސްޓިވަލްގެ ހަވާސާގައި ރައީސް ނަޝީދު ވަނީ އިންޑިއާގެ ދިފާއީ ވަޒީރު ނިރްމަލާ ސިތާރަމަންއާ ބައްދަލު ކުރައްވައި، ރާއްޖޭގެ މިހާރުގެ ހާލަތާ ގުޅޭ މައުލޫމާތު ހިއްސާ ކުރައްވާފައެވެ.
Pleasure to meet and brief Indian Minister of Defence H.E @nsitharaman on the situation in the #Maldives. pic.twitter.com/tsj2qIObJs
— Mohamed Nasheed (@MohamedNasheed) February 18, 2018
މީގެ އިތުރުން ރައީސް ނަޝީދުގެ މިދަތުރުފުޅުގައި އިންޑިއާގެ ބެންގަލޫރުގައި ދިރިއުޅޭ ދިވެހިންނާ ބައްދަލު ކުރެއްވިއެވެ.
President @MohamedNasheed departs India after participating in thought conclave @_thehuddle organised by @the_hindu #TheHuddle2018 pic.twitter.com/MnTpD9bz6M
— Aya Naseem (@AyaNaseem) February 18, 2018
އިންޑިއާ އަށް ކުރެއްވި ދަތުރުފުޅު ނިންމަވާލެއްވުމަށް ފަހު، ރައީސް ނަޝީދު ވަނީ ރޭ މެންދަމުގެ ވަގުތެއްގައި އެނބުރި ލަންކާ އަށް ވަޑައިގެންފައެވެ.
