ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފް ފުލުސް އޮފީހަށް ހާޒިރު ވުމަށް އަންގައިފި އެވެ.
މަހްލޫފް ފުލުސް އޮފީހަށް ހާޒިރުވުމަށް އަންގާފައިވަނީ އޭނާ ކުރެއްވި ޓްވީޓަކާއިި ގުޅިގެން ފުލުހުން ހިންގާ ތަހުގީގަށް ބަޔާން ނެގުމަށެވެ. ފުލުސް އޮފީހަށް މަހްލޫފް ހާޒިރުވުމަށް އަންގާފައި ވަނީ ހޮނިހިރު ދުވަހުގެ މެންދުރުފަހު 13:30 އަށެވެ.
މަފްލޫފްގެ މައްޗަށް ފުލުހުން ކުރާ ތުހުމަތަކީ 2017 ޑިސެމްބަރު 03 ވަނަ ދުވަހުގެ ވަގުތެއްގައި މަހްލޫފްގެ ޓްވިޓަރ އެކައުންޓު މެދުވެރިކޮށް، އެސިސްޓެންޓް ކޮމިޝަނަރ އޮފް ޕޮލިސް މުހައްމަދު ޖަމްޝީދު ޑީމޯޓް ކުރުމާ ގުޅޭގޮތުން މޯލްޑިވްސް ޕޮލިސް ސާރވިސްއަށް ދޮގު މައުލޫމާތު ދީފައިވާ ކަމަށް ބުނެއެވެ.
ACP Jamsheed demote kuran nimmee Adeeb ah zaharu dheegen maraalan engumun, ekama noolhe e message Adeeb ah rahdhukurumah masakkaiy kurumun kamah adu iviije. Adhi demotion madujassaafa othee audio eh Jamsheed athuga othumun kamah buney.Mikan @PoliceMv inn saafu kohdhevvun edhen
— Ahmed Mahloof (@AhmedMahloof) December 3, 2017
މަފްލޫފްއަކީ މިސަރުކާރުގެ ގިނަ ސިއްރުތަކެއް ސޯސަލް މީޑީއާގަ ފަޅާއަރުވަމުން ގެންދަވާ މަޖިލީހުގެ އެންމެ ޖެހިލުންކުޑަ އެއް މެމްބަރެވެ.
ގިނަ ދުވަސްތަކެއް ވަންދެން މަހްލޫފް ރާއްޖޭން ބޭރުގައި އުޅުއްވުމަށްފަހު ރާއްޖެ ވަޑައިގެންނެވީ ބުދަ ދުވަހު އެވެ.
