އެންދެރިމާގެއަށް ފުލުހުން ވަދެފައި ވަނީ، ކޯޓު އަމުރާ ހިލާފަށް ކަމަށް ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެއެވެ.
ރައީސް މައުމޫން ކުރައްވާފައިވާ ޓްވީޓްގައި ވިދާޅުވީ، ކޯޓު އަމުރުގައި އޮތީ ދިއްގަރު ދާއިރާގެ މެންބަރު އަހުމަދު ފާރިސް މައުމޫންނާ ގުޅޭ ގޮތުން ތަންތަން ބަލާ ފާސް ކުރުމަށް ކަމަށެވެ.
މ. އެންދެރިމާގެގައި ފާރިސްގެ ކޮޓަރިއެއް ނުވަތަ އޮފީހެއް ވެސް ނުހުންނާނެ ކަމަށާއި، "މިހެން ބިނީމާ ވެސް ވަދެގަތީ" ކަމަށް ޓްވީޓްގައި ވެއެވެ.
Court amuru gai vā gothā khilāfah @PoliceMv Endherimāgeah gadha kamun vadhegenfi. Court amurugai othī @afarismaumoon aa gulhē thanthan balā fās kurumah. Endherimāgeaku @afarismaumoon ge kotarieh ofīheh nuhunnāne. Mihen bunīmāves vadhegathī. Adhi thanthanā thakethi balanī.
— Maumoon Abdul Gayoom (@maumoonagayoom) January 27, 2018
ފުލުހުން އެންދެރިމާގެ ބަލާ ފާސްކޮށްފައިވާ އިރު ފުލުހުން ވަނީ މ. ސްނޯރޯސްގައި ހުންނަވަނިކޮށް ކޯޓު އަމުރެއްގެ ދަށުން ހައްޔަރުކޮށްފިއެވެ.
ފާރިސް ހައްޔަރުކުރުމަށް ކޯޓު އަމުރެއް ހޯދާފައިވާ ކަމަށާއި އޭނާ ހައްޔަރުކުރަން ރައީސް ޔާމީން އެނގެވި ކަމަށް ޕޮލިސް ކޮމިޝަނަރު އަހްމަދު އަރީފާ ހަވާލާ ދެއްވައި ފާރިސް ވިދާޅުވެފައި ވަނިކޮށް، މުއާޒު ކުރެއްވި ޓްވީޓެއްގައި ވިދާޅުވެފައި ވަނީ ރައީސުލްޖުމްހޫރިއްޔާއަކީ ގާނޫނު ތަންފީޒުކުރުމުގެ އެންމެ މަތީ ފަރާތްކަމުގައި ވީހިނދު، ފާރިސް މައުމޫން ހައްޔަރުކުރުމަށް ޝަރުއީ ކޯޓަކުން ނެރެފައިވާ އަމުރެއް ތަންފީޒުކުރުމަށް ފުލުހުންނަށް ރައީސް ޔާމީން އަންގަވާފައިވާ ކަމަށެވެ.
