ބ. އަތޮޅު ހިތާދޫ ގުރުއާނާއި ބެހޭ މަރުކަޒު ސިނަމާއެއްގެ ގޮތުގައި ބޭނުން ކުރާތީ އެރަށު ބައެއް ރައްޔިތުން ކަންބޮޑުވުން ފާޅުކުރަން ފަށައިފިއެވެ.
ގުރުއާނާއި ބެހޭ ބައެއް ކޯސްތައް މީގެ ކުރިން ހިންގި ހިތާދޫ ގުރުއާނާއި ބެހޭ މަރުކަޒުގައި ވަނީ ފަހުން ނިކުމެފައިވާ ބައެއް ދިވެހި ފިލްމުތައް ދައްކާފައެވެ. އެ އިމާރާތުގައި ގުރުއާނާއި ބެހޭ މަރުކަޒުގެ ނަން ބޯޑު އަޅުވާފައި ހުއްޓައި ސިނަމާއެއްގެ ގޮތުގައި ބޭނުން ކުރުމަކީ ބަލައިގަނެވޭނެ ކަމެއް ނޫން ކަމަށް އެރަށުގެ ބައެއް ރައްޔިތުން ވަނީ ބުނެފައެވެ.
" ގުރުއާނާއި ބެހޭ މަރުކަޒު' ގެ ނަން ބޯޑު އަޅުވާފައިހުއްޓައި އެ ތަނުގައި ވަނީ ދިވެހި ފިލްމް 'ހައްދު" އަދި "ބޮސް" އަޅުވާފައެވެ. އެހެން ނަމަވެސް އެ އިމާރާތުގައި އެންމެ ފަހުން ގުރުއާނާއި ބެހޭ ކޯހެއް ހިންގާފައި ވަނީ 2013 ވަނަ އަހަރުގައި ކަމަށް ވަނީ މައުލޫމާތު ލިބިފައެވެ.
މިކަމާއި ގުޅިގެން ހިތާދޫއަށް ނިސްބަތްވާ ޝައިޚް އަލް ޙާފިޟް އިބްރާހިމް އަބޫބަކުރު ވަނީ ކަންބޮޑުވުން ފާޅުކޮށް ބައެއް މީޑިއާތަކަށް މައުލޫމާތު ދެއްވައިފައެވެ.
އެގޮތުން ޝައިޚް ވިދާޅުވީ "ކީރިތި ޤުރުޢާނާބޭހޭ މަރުކަޒު" ގައި އަދި އެނަން ބޯޑް އަޅުވައިގެން ފާހިޝް ކަންކަން ހިންގުމަކީ ދެރަކަމެއް ކަމަށާއި އެކަމާ ހިތާމަ ކުރައްވާ ކަމުގައެވެ.
