އެބުނާ ތަރައްގީގެ އެއްވެސް މަޝްރޫއެއް ގައްދޫގައި ނުހިނގާ. އެންމެ ކުޑަމިނުން އެއިން ގަމުން މުޑިއެއް ކަނޑައިގެން އައިސް ބަނދަރުމަތީގައި މުޑިއެއްވެސް އިންދާފައި ނެތް. އެވަރުގެ ކުޑަ މަސައްކަތެއް ވެސް މި ރަށުގެ ތަރައްގީއަށް ސަރުކާރުން ނެތް ފަށާފައި. ހުއްޓިފައި ހުރީ ހުރިހާ ކަމެއް. މަގުތަކެއް ވެސް ނުނިމޭ. އިންޖީނުގެ އެއްކޮށް ގަސް ފަޅާފައި އެއޮތީ. އަނެއްކޮޅުން މިދިޔަ ސަރުކާރު ނިމުނު އިރުގައި މަސައްކަތަށް ގެެނެސްފައި ހުރި ގަލާ އެއްޗެހި ވަގަށް ނަގައިގެން އެކި ދިމަދިމާލަށް ގެންގޮސް އެކަހަލަ ކަންތައްތައް ވެސް އެބަ ހިނގާ.

މަޓޭ - ރައީސް މުއިއްޒު ވެރިކަމަށް ގެންނަން މަސައްކަތް ކުރި މީހެއް

މި 2 އަހަރު ތެރޭގައި ގައްދޫ ރައްޔިތުން މިތިބީ ވަރަށް ބިކަހާލުގައި. ނުކައި ނުބޮއި. ކާބޯތަކެތީގެ އަގު ހުރީ އަތް ނުފޯރާ ފަށުގައި. ރައީސް ނަޝީދު ވިދާޅުވީ ފަދައިން، ހަގީގަތަށް ބުނަންޏާ މިއަދު ގައްދޫ ރައްޔިތުން މިތިބީ ކަންމަތީ ސްޓޯރަށް ދަރާފައި. މަސްވެރިންނަށް ރުފިޔާއެއް ނުލިބޭތާ މިއީ 5 ވަނަ މަސް. 20 ރުފިޔާ ދޭނަމޭ ބުނީ މަސް ކިލޯއަކަށް. އެެކަމަކު ނުދޭ. ދެނީ 16 ރުފިޔާ. ކޮންމެ ސަރުކާރެއް އަޔަސް ގައްދޫ ދަރިއެއް ހުންނާނެ. މިއިން އެއްކަމެއް ވެސް ނުވި.

ނީލާ - ރައީސް މުއިއްޒު ވެރިކަމަށް ގެންނަން މަސައްކަތް ކުރި މީހެއް