Advertisement
ކ. މާލެ
|
31 އޯގަސްޓް 2025 | އާދީއްތަ 09:09
ފުލުހަކު އޭނާ މަސައްކަތު މާހައުލުން ދިމާވި މީހަކު އަތުން އޮޅުވާލައިގެން ފައިސާ ނެގި މައްސަލައެއް
ފުލުހަކު އޭނާ މަސައްކަތު މާހައުލުން ދިމާވި މީހަކު އަތުން އޮޅުވާލައިގެން ފައިސާ ނެގި މައްސަލައެއް
ރާއްޖެއެމްވީ
މޯލްޑިވްސް ޕޮލިސް ސަރވިސް
ފުލުހަކު އޭނާ މަސައްކަތުގެ މާހައުލުން ދިމާވި މީހަކު އަތުން އޮޅުވާލައިގެން ފައިސާ ނެގި މައްސަލައެއް ބަލަނީ
ފުލުހަކު މަސައްކަތުގެ މާހައުލުން ދިމާވި މީހެއްގެ އަތުން އޮޅުވާލައިގެން 20،500 ރުފިޔާ ނަގާފައިވޭ
ފައިސާ ނެގީ ބޭރު ފައިސާގެ ވިޔަފާރި ކޮށްގެން މަންފާ ހޯދައިދޭނެ ކަމަށް ބުނެ
މައްސަލައާ ގުޅިގެން އެ ފުލުހަކު ވަނީ މަސްއޫލިއްޔަތުން ދުރުކޮށްފަ

ފުލުހަކު އޭނާ މަސައްކަތުގެ މާހައުލުން ދިމާވި މީހަކު އަތުން އޮޅުވާލައިގެން ފައިސާތަކެއް ނެގި މައްސަލައެއް ބަލަން ފަށައިފި އެވެ.

ފުލުހުން މީޑިއާތަކަށް ފޮނުވި މެސެޖެއްގައި ބުނީ، ދިވެހި ފުލުހުންގެ ޚިދުމަތުގައި މަސައްކަތް ކުރާ ފުލުހަކު އޭނާގެ ވަޒީފާގެ މަސްއޫލިއްޔަތު އަދާކުރުމުގެ ތެރެއިން ދިމާވި މޭހަކަށް ބޭރު ފައިސާގެ ވިޔަފާރި ކޮށްގެން މަންފާ ހޯދައިދޭނެ ކަމަށް ބުނެ ފައިސާތަކެއް ނަގާފައިވާ ކަމަށެވެ. އެއީ މިއަހަރުގެ އޮގަސްޓު މަހުގެ 8 ވަނަ ދުވަހުން ފެށިގެން އެކި ދުވަސް މަތިން އެމީހާގެ އަތުން ޖުމުލަ 20،500 ދިވެހި ރުފިޔާ ނަގާފައިވާކަމަށް ފުލުހުން ބުންނެވެ.

އަދި މިމައްސަލައާއި ގުޅިގެން އެ ފުލުސް މީހާ ވަނީ ކުރިން އަދާކުރަމުން ގެންދިޔަ މަސްއޫލިއްޔަތުން ދުރުކޮށްފައި ކަމަށް ފުލުހުން ބުންޏެވެ.

ފުލުހުން ބުނީ، މި މައްސަލައާއި ގުޅިގެން އިދާރީގޮތުން ބަލަންޖެހޭ މައްސަލަ ޕްރޮފިޝަނަލް ސްޓެންޑަރޑްސް ކޮމާންޑް އިން ގެނދަނީ ތަހުގީގު ކުރަމުން ކަމަށެވެ.

- ކޮމެންޓް