ރައީސް މުއިއްޒު ފަދަ ވެރިންގެ ކިބައިގައި ދެއްކުންތެރިކަން ވަރަށް ބޮޑަށް ހުންނާނެ

ރާއްޖެ ދުނިޔެ ކުޅިވަރު ވިޔަފާރި/އިގްތިސާދު ސިއްހަތު ރިޕޯޓު ލައިފް ސްޓައިލް ލުއިޚަބަރު ވާހަކަ ފޮޓޯ

ކ. މާލެ

29 އޯގަސްޓް 2025 | ހުކުރު 14:54

ވައިކަރަދޫ ދާއިރާގެ މަޖިލިސް މެމްބަރު ހުސެއިން ޒިޔާދު، ރާއްޖެ ޓީވީގެ ފަލަސުރުޚީ ޕްރޮގްރާމުގައި ވާހަކަދައްކަވަނީ

އަބްދުލް ހަންނާން މުހައްމަދް

ރައީސް ރެކޯޑް ހެއްދެވުން

ރައީސް މުއިއްޒު ފަދަ ވެރިންގެ ކިބައިގައި ދެއްކުންތެރިކަން ވަރަށް ބޮޑަށް ހުންނާނެ - ޒިޔާދު

އިހުތިޖާޖުގައި ރާއްޖޭގެ އެންމެ ދުވަސްވީ އަދި ފުންނާބުއުސް ނޫސްވެރިން ބައިވެރިވި

އިހުތިޖާޖުގައި މަދުވަނީ ރައީސް އޮފީހުގެ ކޮމިއުނިކޭޝަންސް މިނިސްޓަރ އިބްރާހިމް ހަލީލު

ޙުސައިން މަޚްތޫމް

3,237

ރައީސް ޑރ. މުހައްމަދު މުއިއްޒު ފަދަ ވެރިންގެ ކިބައިގައި ދެއްކުންތެރިކަން ވަރަށް ބޮޑަށް ހުންނާނެ ކަމަށް ވައިކަރަދޫ ދާއިރާގެ މެންބަރު ހުސައިން ޒިޔާދު ވިދާޅުވެއްޖެއެވެ.

ފަލަސުރުހީ ޕްރޮގްރާމުގައި ވާހަކަ ދައްކަވަމުން ޒިޔާދު ވިދާޅުވީ ރައީސް މުއިއްޒު ފަދަ ވެރިންގެ ގައިގައި ދެއްކުންތެރިކަން ވަރަށް ބޮޑަށް ހުންނާނެ ކަމަށެވެ. އަދި މިހާރު ރެކޯޑެއް ހެދޭނަމަ ނުސްވެރިންނާއި ބައްދަލު ކުރެއްވީސް ކަމަށެވެ. ނޫސްވެރިންގެ ބައްދަލުވުން ބާއްވައިގެން ރެކޯޑް ފޮތުން ޖާގަ ހޯދަން ރައީސް މުއިއްޒު ކުރެއްވި މަސައްކަތަށް އިޝާރާތް ކުރައްވާ ޒިޔާދު ވިދާޅުވީ އެ ދުވަހުގެ ރެކޯޑް މުގުރާލަން ރައީސް އަނެއްކާވެސް މަސައްކަތް ކުރައްވަފާނެ ކަމަށެވެ.

ކުރިން ނޫސްވެރިކަމުގައި ވެސް އުޅުއްވި މެންބަރު ޒިޔާދު ވިދާޅުވި ނޫސްވެރިން އުލުބައިންދާ ބިލާއި ދެކޮޅަށް މިއަދު ނުކުމެ އެ ތިބީ ރާއްޖޭގެ އެންމެ ދުވަސްވީ، އެންމެ ފުންނާބުއުސް އަދި ހުރިހާ ކުލަކުލައިގެ ގަލަން ލިބިފައި ހުރި ނޫސްވެރިން ކަމަށެވެ. އަދި މިހާރު އިހުތިޖާޖުގައި މަދުވަނީ ރައީސް އޮފީހުގެ ކޮމިއުނިކޭޝަންސް މިނިސްޓަރ އިބްރާހިމް ހަލީލު ކަމަށްވެސް ޒިޔާދު ވިދާޅުވިއެވެ.

މިއަދު ނަންބަރުގެ ގޮތުން ކިތަންމެ މަދު ކޮން އެތަނުން ފެނުނުހެން ހީވިޔަސް ޙަޤީޤަތުގައި ހުރިހާ ނޫސްވެރިންގެ ވެސް އެ ވިސްނުމަކީ އެއީ، ބޭނުމަކީ ވިޔަސް އެއީ އެ ބިލު ނެތުން. ކަން ހުރިގޮތު، ކަން ދިމާކުރި ގޮތުން ބައެއް ނޫސްތަކުގައި އެހެން ބައިވެރިއެއް ނުވެވޭނެ. ދެން މީގައި މި ބުނާ ފޮތުގައި އޮވޭ ވަރަށް ރީތިކޮށް ލިޔެފައި، މި ޒާތަށް ވެރިކަން ކުރަން ބޭނުންވާ ވެރިން ފުރަތަމަ ކުރާނެ ކަމަކީ، ރައްޔިތުންގެ މަޖިލީހާއި ކޯޓުތަކަށް ހަދަން މަށްފަހުގައި ވެރިކަމަށް އަންނަ ގޮތަށް އޭނަގެ ރައީސުލްޖުމްހޫރިއްޔާ ނުވަތަ ވެރިކަން ލިބޭ ފަރާތެއްގެ އަމިއްލަ ނޫސްތައް ގިނަކުރާނެ. އިތުބާރު؛ ވާހަކައަކީ ޕްރޮމޯޝަނަށް ވަރަށް ބޮޑަށް ހޭދައެއް ކުރާނެ. މިހާރު އެންމެ ބޮޑު މީޑިއާއިން މި އޮންނަނީ ޕީ.އެސް.އެމް އެންމެ ގިނަ މުވައްޒަފުން. ދެން ތިބޭ ރައީސް އޮފީހުން ޕްރޮމޯޝަން، ރައީސުލްޖުމްހޫރިއްޔާގެ ޓްވީޓްކުރާކުރުމަށާއި، ދެން މިހެން ކިޔާނެ ކަމެއް ނެތް. މިބުނާ ގޮތަށް ކުރަންވެއްޖެއްޔާ މިހާރު ޕީ.އާރުގައި ރީތިކޮށް ސާޅީހަކަށް، ފަންސާހަކަށް ކުދިން އެބަތިބި

ވައިކަރަދޫ ދާއިރާގެ މެންބަރު ހުސައިން ޒިޔާދު

ޒިޔާދު ވިދާޅުވީ ޕީއާރު އިތުރުކުރަމުން ގޮސް އިތުރު ނޫސްތައް ރަޖިސްޓްރީކުރަމުންގޮސް އެންސްޕާވެސް އޭގައި ހިމެނިއްޖެ ކަމަށެވެ. އެއީ ވެސް އިއްތިފާގެއް ކަމަށާއި، އެ ވާހަކަ ދެކުނީ މީޑިއާ ތެރެއިން ކަމަށް ޒިޔާދު ވިދާޅުވިއެވެ. އަދި މިއީ އަސްލު ނޫސް މުހިންމުވާ ސަބަބު ކަމަށާއި، އެންސްޕާއަށް ބޭސް ނުލިބިގެން އެކަމުގައި ރައްޔިތުން ވަރަށް ބިކަ ހާލުގައި ތިބި އިރު އަދި އެކަން ހައްލު ނުވެ ތިއްބާ އިވެނީ، އެ އެންސްޕާ އިން ތިރީސް ހަ މިލިއަން ރުފިޔާ އެއްފަހަރާ ދިން ވާހަކަ ކަމަށެވެ.

ބައިވަރު އިއްތިފާޤުތައް ހުރީ. އިއްތިފާޤުތަކާ އެއްކޮށް. ދެން އިއްތިފާޤަކީ އެ ގޭގެ ގެންގުޅުން މީހާގެ ޓީވީން މިހާރު އަޅުގަނޑުމެންނަށް ވެސް އެނގޭ. އަޅުގަނޑު ވެސް ހަމަ މީޑިއާގައި ތަންކޮޅެއް ސީނިއަރ މީހަކަށްވެސް ހުރި މީހެއް. މީޑިއާއެއް އުފައްދަން، މީހުން ނޫހެއް އުފައްދަން ކުރަންޖެހޭ މަސައްކަތާއި، ޓީވީއެއް އުފައްދަން ކުރަން. ރާއްޖޭގެ ފުރަތަމަ ލައިސަންސް ލިބިގެން އަމިއްލަ ފަރާތްތަކުން ޓީވީ ހެދިއިރު އަޅުގަނޑުމެން ވެސް ޓީވީއެއް ހެދިން. ކުރަންޖެހޭ ޚަރަދުތަކާއި، ހޭދަތަކާއި، ދެން މިއަދު ގެންގުޅޭ މީހާ އެފެންވަރުގައި ޓީވީއެއް ހަދައިލީމަ، ހޭވެސް އަހާލާނެތާ މީހުން. ދެން އަނެއް އިއްތިފާގަކީ، އެއަށް ޕޭކުރި އެންސްޕާއިން، އެކަމަކަށް ދޮގެއްވެސް ނުކުރޭތާ. ރެންޓު ފުރަތަމަ ދެއްކީ އެންސްޕާއިންނޭ. ތިރީސްހައެއް މިލިއަން ރުފިޔާއެއްގެ ވާހަކަ މި ދައްކަނީ.

ވައިކަރަދޫ ދާއިރާގެ މެންބަރު ހުސައިން ޒިޔާދު

ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ)ގެ އޮފީސް ހިންގަން އިމަރާތެއް ހޯދަން ކުރި މުއާމަލާތްތަކާ ގުޅޭގޮތުން ދެކެވެމުން އަންނަ ވާހަކަތަކާއި ގުޅިގެން އެ މައްސަލަ އެންޓި ކޮރަޕްޝަން ކޮމިޝަން (އޭސީސީ)އިން އަންނަނީ ތަހުގީގު ކުރަމުންނެވެ.

އެންސްޕާ ހިންގުމަށް އޮފީސް އިމާރާތެއް ހޯދަން 34.8 މިލިއަން ރުފިޔާގެ މުއާމަލާތެއް ގޭގެ ވެރިފަރާތް ނޫން އެހެން ފަރާތަކާ ކުރިކަމަށް ބުނެ ބޮޑެތި ތުހުމަތުތަކެއް ވަނީ އެ އެޖެންސީއަށް ކުރެވިފައިވެއެވެ. އަދި "އެމްއެމް ޓީވީ" ނަމުގައި ފެށި ޗެނަލް ހިންގާ އިމާރާތުގެ ކުލި އެންސްޕާ މެދުވެރިކޮށް ހަމަޖައްސާ ކަމަށް ތުހުމަތުކޮށްފައިވެއެވެ. އޭގެ ތެރެއިން ދެ ފަންގިފިލާ އެންސްޕާ، އަދި ބާކީ ދެ ފަންގިފިލާ ޓީވީ ސްޓޭޝަނަށް ދޫކޮށްފައިވެއެވެ.