ހުކުރު ދުވަހުގެ ފަތިހުން ފެށިގެން އިސްރާއީލުގެ ހަމަލާތަކުން ޣައްޒާގައި މަދުވެގެން 76 މީހުން ޝަހީދުވެއްޖެއެވެ.

ހަމަލާތައް ހުއްޓުމެއް ނެތި ކުރިއަށް ދިއުމާއެކު މަރުވާ މީހުންގެ އަދަދު ދަނީ އިތުރުވަމުންނެވެ.

ޣައްޒާގެ ޖަބާލިޔާ ރެފިއުޖީ ކޭމްޕުގައި ހުރި އާއިލާއެއްގެ ގެއަކަށް އިސްރާއީލުން ދިން ބޮމުގެ ހަމަލާގައި 50 އެއްހާ މީހުން މަރުވެ ނުވަތަ ވީނުވީ އެއް ނޭނގިވާ ކަމަށް ބުނެ، އެ މަންޒަރު ދުށް މީހުން އަލްޖަޒީރާ އަށް ބުނެފައިވަނީ "އިސްރާއީލުގެ ސިފައިން މަޖަލަކަށް އާންމު ރައްޔިތުން މަރަމުންދާ" ކަމަށެވެ.

އދ. ގެ ސެކްރެޓަރީ ޖެނެރަލް އަންޓޯނިއޯ ގުޓެރެސް ވިދާޅުވެފައިވަނީ ޣައްޒާގެ ހަނގުރާމަ މިހާރު ވަނީ "އެންމެ އަނިޔާވެރި މަރުހަލާއަށް" ގޮސްފައި ކަމަށެވެ. އެއީ ފަލަސްޠީނުގެ ރައްޔިތުން ބަނޑަށް ޖެހިފައިވާއިރު، އިސްރާއީލުން ހުއްދަދެނީ ހަމައެކަނި "ސައި ސަމުސަލެއްގެ މިންވަރުގެ އެހީ" ބަނޑަށްޖެހިފައިވާ ސަރަހައްދަށް ވެއްދުމަށް ކަމަށާއި، "ހިސޯރު ކޮށްފައިވާ އުތުރަށް އެއްވެސް އެއްޗެއް ނުލިބޭ" ކަމަށް އޭނާ ވިދާޅުވިއެވެ.

ޣައްޒާގެ ޞިއްޙީ ވުޒާރާގެ ބަޔާނެއްގައި ބުނެފައިވާ ގޮތުގައި، އިސްރާއީލުން ޣައްޒާ ގައި ކުރަމުންދާ ހަނގުރާމައިގައި މަދުވެގެން 53,822 ފަލަސްޠީނު ރައްޔިތުން ޝަހީދުވެ، 122,382 މީހުން މިހާތަނަށް ވަނީ ޒަޚަމްވެފައިވެއެވެ.