ގޯއްޗާއި ފްލެޓް ނުދީ މިހާރުގެ ހައުސިން މިނިސްޓަރ ޑރ.އަބްދުﷲ މުއްތަލިބު ހުންނެވީ އާއްމުންނަށް ފިއްލަވައިގެން ކަމަށާއި މިއީ އަނިޔާ އެއް ކަަމަށް ފްލެޓާއި ގޯތި ނުދީ ލަސްވަމުންދާތީ މުޒާހަރާކުރަމުންދާ އާއްމުން ބުނެފިއެވެ.
އާއްމުން އެފަދައިން ބުނެފައި ވަނީ ފްލެޓާއި ގޯތި ނުދީ ލަސްވަމުންދާތީ އެކަމާއި ގުޅިގެން އާދިއްތަ ދުވަހު ހައުސިން މިނިސްޓްރީ ސަރަހައްދުގައި ބޭއްވި މުޒާހަރާ ތެރެއިން ރާއްޖެއެމްވީ އަށް މައުލޫމާތުދެމުންނެވެ.
ގޯއްޗާއި ފްލެޓްގެ މައްސަލައިގައި ޖަމިއްޔާ ޖަމާއަތްތަކުގައި އިންތިޒާމްކުރާ މި ހަރަކާތުގެ ބައިވެރިން ވަނީ ފްލެޓާއި ގޯތި ނުދީ ސަރުކާރުން ދިގުދަންމަމުން ދިއުމަކީ ވަރަށް ބޮޑަށް މާޔޫސްވާ ކަމެއް ކަމަށް ބުނެފައެވެ. އެގޮތުން ކުރީ ސަރުކާރުން ދޫކޮށްފައިވާ 4000 ފްލެޓުގެ މައުލޫމާތު ހައުސިންގ މިނިސްޓްރީ އަކަށް ނޭނގޭ ކަމަށާއި އެއީ ވަރަށް ބޮޑު ކަންބޮޑުވުމެއް ކަމަށް އެ ފަރާތްތަކުން ވަނީ ބުނެފައެވެ. އަދި މިނިސްޓަރާ ބައްދަލު ކުރަން އެޕޮއިންޓްމަންޓް ދޫކުރުން މި ވަގުތައް ހުއްޓާލާފައިވާ ކަމަށް އެ މިނިސްޓްރީން ބުނަމުންދަނީ ކޮން ހަމައަކުންތޯ އާއްމުން ވަނީ ސުވާލު އުފައްދަވާފައެވެ. ފިއްލަވައިގެން ހުންނަވައިގެން މައްސަލަ އެއް ރަނގަޅު ކުރެވޭނެ ގޮތެއް ނުވިސްނޭ ކަމަށް އާއްމުން ވަނީ ބުނެފައެވެ.
މީގެ އިތުރުން ހައުސިންގ މިނިސްޓަރ ކަމުގައި ހައިދަރު ހުންނެވި އިރުވެސް އެޕޮއިންޓަމަންޓަކަށް އެދި ހުށަހަޅާފައިވާ އެއްވެސް ފޯމަކަށް އެޕޮއިންޓްމަންޓް ހަމަ ޖެހިފައެއް ނުވާ ކަމަށް އާއްމުން ބުނެއެވެ. މިއީ އާއްމުންނަށް ކުރާ މަލާމާތެއް ކަމަށް ވެސް މުޒާހަރާގެ ބައިވެރިން ވަނީ ސިފަކޮށްފައެވެ. މި ސަރުކާރުން ވެރިކަމަށް އައީ ސަރުކާރުން އެއްވެސް އެއްޗެއް ނުފޮރުވާނެ ކަމަށް ވައުދުވެގެން ކަމަށް ވީ ނަމަވެސް ވެރިކަމަށް އާދެވުމުން އެ ހަނދާން ނެތް ކަމަށް އޭނާ ވަނީ ބުނެފައެވެ. އެހެންނަމަވެސް މި ސަރުކާރުން މައުލޫމާތު ހޯދުމަކީ އިންތިހާ އަށް އުނދަގޫ ކަމެއް ކަމަށާއި އެއްވެސް ކަމެއް އިސްވެ ސާފުކޮށް ނުދެއްވާ ކަމަށް އާއްމުން ވަނީ ބުނެފައެވެ.
މިނިސްޓަރަށް ވިސްނިވަޑައިގަންނަވަނީ ފިނި ކޮޓަރިއަށް ވަދެ ހުރުމޭ އެންމެ ރަނގަޅީ ފިއްލަވާ ހުންނެވުމޭ. އެގޮތަށް އަމަލުވެސް ކުރައްވަނީ. އާއްމުންނަކާއި ކުރިމައްޗެއް ނުލައްވާ، މައުލޫމާތެއް ނުދެއްވާ. ވަޒީރު ބަދަލުވެއްޖެ. ވަޒީރުން ތިބިތަން ބަދަލުވެއްޖެ. ވުޒާރާ ބަދަލުވެއްޖެ. ވީކަމެއް ހަރާން. ރައްޔިތުން ހަމަ އާދޭސްކުރަނީ.އާއްމު މީހެއް
ކުރީ ސަރުކާރުން ފެށި ގެދޮރުވެރިޔާ މަޝްރޫއުގެ ދަށުން ހުޅުމާލޭގައި އިމާރާތް ކުރަމުންދާ 4000 ސޯޝަލް ހައުސިންގ ޔުނިޓާ ބެހޭ ގޮތުން އުފެދިފައިވާ މައްސަލަތަކުގައި ކުރީގެ ހައުސިންގ މިނިސްޓަރު އަލީ ހައިދަރު އަށް 32 ސިޓީ ފޮނުވި ކަމަށާއި އެމަނިކުފާނާ ބައްދަލު ކުރަން 53 އެޕޮއިންޓްމަންޓް ރިކުއެސްޓް ފޮނުވިނަމަވެސް އާއްމުންނާއި ބައްދަލުކޮށްފައި ނުވާކަން ފާހަގަކޮށްލެވެއެވެ.
