ދެކުނު ކޮރެއާގެ ވެރިރަށް ސޯލްގެ މުއާން އިންޓަނޭޝަނަލް އެއާޕޯޓުގެ ރަންވޭ މަތީގައި ޖެޖު-އެއާ ގެ ބޯއީން 737 މަރުކާގެ މަތިންދާބޯޓު ގޮވާ، 29 މީހުން މަރުވެއްޖެއެވެ.

ކޮރެއާގެ ޔޮންހަޕް ނޫސް އެޖެންސީއާއި ހަވާލާދީ މީޑިއާ ރިޕޯޓުތައް ބުނާގޮތުން މި ބޯޓުން ދަތުރުކުރީ ޖުމުލަ 175 ފަސިންޖަރުންނެވެ. މީގެތެރެއިން ސަލާމަތް ވިކަމަށް އެ އެޖެންސީން ބުނެފައިވާކަމަށް ރިޕޯޓުތަކުގައި ވަނީ ދެ މީހުންނެވެ.

ޔޮންހަޕް ނޫސް އެޖެންސީއާއި ހަވާލާދީ ރިޕޯޓުތައް ބުނީ ދެނުކު ކޮރެއާގެ ވެރިރަށް ސޯލްގެ ބައިނަލްއަޤުވާމީ އެއާޕޯޓުގެ ރަންވޭ މަތިން ގޮވި މި ބޯޓުން ދަތުރުކުރީ 175 ފަސިންޖަރުންނާއި ހަ ކުރޫން ކަމަށާއި މީގެ ތެރެއިން 29 މީހުން މަރުވެފައިވާ ކަމަށް މިހާތަނަށް ކަށަވަރުވެފައިވާ ކަމަށެވެ.

މި ހާދިސާ ހިނގާފައިވަނީ ތައިލެންޑުން ފުރައިގެން އައިސް ދެކުނު ކޮރެއާގެ މުއާން އެއާޕޯޓަށް ޖައްސައިގެން ރަންވޭމަތިން ދުއްވާފައި ދަނިކޮށް ދެ އިންޖީނު ރަންވޭ ނިމޭހިސާބުގައި ހުރި ފާރުބުރިތަކެއްގައި ޖެހިފަކަމަށް ޔޮންހަޕް ނޫސް އެޖެންސީން ބުނެއެވެ.

މި ހާދިސާ ގާތުން ދުއް އެއާޕޯޓްގެ އޮފިޝަލަކު ރޮއިޓާސް އަށް މައުލޫމާތު ދެމުން ބުނީ ހާދިސާ ހިނގި ވަގުތު ލަސްނުވެ ރެސްކިއު އޮޕަރޭޝަންތައް ފަށާފައިވާ ކަމަށާއި އެންމެ ބޮޑު އިސްކަމެއް ދިނީ ބޯޓުގައި ދަތުރުކުރި ފަސިންޖަރުން ސަލާމަތް ކުރުމަށް ކަމަށެވެ.

ބޯޓު ގޮވި މި ހާދިސާގައި އިސްކޮށް އުޅެމުން އައި ފަޔަރ ރެސްކިއު ޑިޕާޓްމަންޓުގެ އޮފިޝަލަކާއި ހަވާލާދީ ރޮއިޓާސް އިން ބުނީ މިހާތަނަށް ބޯޓުން ދަތުރުކުރި މީހުންގެ ތެރެއިން 29 މީހުން މަރުވެފައިވާކަން ކަށަވަރު ވެފައިވާ ކަމަށާއި ނަމަވެސް ސީރިއަސް އިންޖަރީ ލިބުނު މީހުންގެ އަދަދު އިތުރުވެދާނެ ކަމަށް ބެލެވޭކަމަށެވެ.

"މިހާތަނަށް ބޯޓު ވެއްޓުނު ހާދިސާގައި 29 މީހަކު މަރުވެފައިވާކަން ކަށަވަރުކޮށްދީފައިވޭ. އެކަމަކު ލިބިފައިވާ ސީރިއަސް އަނިޔާތަކުގެ ސަބަބުން އަދަދު އިތުރުވެދާނެ ކަމަށް ބެލެވޭ،" ލޯކަލް ފަޔާ ޑިޕާޓްމަންޓުގެ އޮފިޝަލަކު ނޫސް އެޖެންސީ އޭއެފްޕީއަށް ވިދާޅުވި އެވެ.

އޮންލައިން ފްލައިޓް ޓްރެކިން ވެބްސައިޓް، ފްލައިޓްރެޑާ24 އިން ބުނާ ގޮތުގައި މި ބޯޓު ދަތުރުކުރަމުން ދިޔައީ ބެންކޮކުން މުއާން އަށެވެ.

އޮންލައިން ފްލައިޓް ޓްރެކިން ވެބްސައިޓް، "ފްލައިޓްރެޑާ24" ގައި ބުނެފައިވާ ގޮތުގައި މި ބޯޓު ދަތުރުކުރަމުން ދިޔައީ ބެންކޮކުން ދެކުނު ކޮރެއާގެ މުއާން އަށެވެ.

އިތުރު ތަފްސީލް އަންނަނީ......